مقبول خبریں
پاکستان میں صاف پانی کی سہولت کو ممکن بنانے کیلئے مختلف منصوبوں پر کام کرونگی:زارہ دین
پیپلزپارٹی کے رہنما ندیم اصغر کائرہ کی پریس کانفرنس ،صحافیوں کے سوالات کے جوابات دیئے
واجد خان ایم ای پی کا آزاد کشمیر سے آئے حریت کانفرنس کے رہنمائوں کے اعزاز میں عشائیہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سید حسین شہید سرور کا سابق پراسیکیوٹر ایڈوکیٹ جنرل ریاض نوید و دیگر کے اعزاز میں عشائیہ
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
جموں و کشمیر تحریک حق خود ارادیت انٹر نیشنل کے زیر اہتمام پہلی کشمیر کلچرل نمائش کا اہتمام
دسمبر بے رحم اتنا نہیں تھا!!!!!!!!!!!!!
پکچرگیلری
Advertisement
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
برمنگھم:آزاد کشمیر کے سابق وزیر اعظم و پی ٹی آئی کے صدر بیرسٹر سلطان محمود چوہدری نے کہا ہے کہ بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا،بھارت اپنا ظلم آزمالے اور کشمیری اپنا صبر آزمائیں گے،بھارت کو اب مقبوضہ کشمیر سے نکلنا ہو گا،آج میں برمنگم سے کشمیر ویک کا آغاز کر رہا ہوں،آج آزاد کشمیر کا یوم تاسیس ہے اور آج کے دن ہمارے آبائو اجداد نے یہ خطہ اپنے زور بازو سے آزاد کرایا تھا اور غازی ملت سردار ابراہیم خان کی سربراہی میں آزاد خطے میں حکومت میں حکومت قائم ہوئی تھی،کشمیری عوام کسی صورت آزادی سے پیچھے نہیں ہٹیں گے،میں کشمیر ویک کے سلسلے میں روزانہ ایک یورپی ملک میں جا کر مقبوضہ کشمیر میں جاری بھارتی مظالم و بربریت کو بے نقاب کروں گا اور بھارت کو دفاعی پوزیشن پر لا کھڑا کروں گا،برطانیہ کے کشمیریوں نے ہمیشہ میرا ساتھ دیا ہے اور2014لندن ملین مارچ سے شروع ہونے والے ملین مارچز کا سلسلہ جاری ہے اور اب پانچواں ملین مارچ آئر لینڈ ’’ ڈبلن ‘‘ میں27اکتوبر کو ہو گا جبکہ اس سلسلے کا آخری ملین مارچ دونوں اطراف کے کشمیری سیز فائر لائن کی طرف مارچ کر کے کریں گے اورسیز فائر لائن کو روند ڈالیں گے،ان خیالات کا اظہار انہوں نے آج یہاں برمنگھم میں آزاد کشمیر کے یوم تاسیس کے موقع پر یورپ میں کشمیر ویک کے آغاز کے سلسلے میں ایک بہت بڑے جلسہ عام سے خطاب کرتے ہوئے کیا،اس موقع پر جلسہ عام کی صدارت چوہدری خادم حسین نے کی جبکہ جلسہ عام سے چوہدری مالک،چوہدری حکمداد،چوہدری شعبان،راجہ بشارت سلیم،چوہدری سردار،چوہدری عمران،چوہدری دلپذیر،چوہدری غفور،رئوف مغل،چوہدری سرفراز،چوہدری الطاف،چوہدری افضل،چوہدری افضل،زینب خان،آسیہ شیخ،رانی عارف اور دیگر مقررین نے بھی خطاب کیا،اس موقع پر بیرسٹر سلطان محمود چوہدری جب جلسہ گاہ پہنچے تو ان کا شاندار استقبال کیا گیا،انہیں پھولوں کے ہار پہنائے گئے اور پھولوں کی پتیاں نچھاور کی گئیں۔