مقبول خبریں
ن لیگ برطانیہ و یورپ کا نواز شریف،مریم نواز اور کیپٹن صفدر کی سزائیں معطل ہونے پر اظہار تشکر
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
ہم دھوپ میں بادل کی، درختوں کی طرح ہیں!!!!!!!
پکچرگیلری
Advertisement
سانحہ راولپنڈی سازش تھی جسکا مقصد امن کیلئے حکومتی کوششوں کو سبوتاژ کرناتھا: ہائی کمشنر
لندن ... جمعیت علما برطانیہ کے امیر مفتی محمد اسلم کی قیادت میں برطانیہ کے مسلم علما کے ایک وفد نے پاکستانی ہائی کمشنر واجد شمس الحسن سے ملاقات کی۔ ان رہنماوٴں نے سانحہ راولپنڈی پر اپنی گہری تشویش کا اظہار کرتے ہوئے مطالبہ کیا کہ اس واقعہ میں ملوث عناصر کو قانون کے کٹہرے میں لاکر سخت سزا دی جائے۔ وفد نے ہائی کمشنر کے ذریعے وفاقی اور پنجاب حکومتوں سے مطالبہ کیا کہ جن دہشت گردوں نے معصوم لوگوں کو مارا اور بھاری مالی نقصان کیا ان کے خلاف سخت کارروائی کی جائے۔ وفد نے ہائی کمشنر کو ایک یادداشت بھی پیش کی اور ان سے کہا کہ اسے وفاقی حکومت تک پہنچایا جائے۔ انہوں نے کہا کہ اس واقعہ پر برطانیہ کے علماء اور کمیونٹی کو سخت تشویش ہے اور وہ اپنے جذبات کو وفاقی حکومت تک پہنچانا چاہتے ہیں۔ اس موقع پر راولپنڈی میں جاں بحق ہونے والوں کے لئے دعا بھی کی گئی۔ ہائی کمشنر واجد شمس الحسن نے کہا کہ وہ اس واقعہ کی سخت الفاظ میں مذمت کرتے ہیں۔ انہوں نے اس واقعہ کو ملک کے خلاف سازش قرار دیا اور کہا کہ اس کا مقصد حکومت کی جانب سے امن کے لئے کی جانے والی کوششوں کو سبوتاژ کرنا ہے۔ انہوں نے وفد کو یقین دلایا کہ وہ ان کی سفارشات کو حکومت پاکستان تک پہنچائیں گے اور اس واقعہ میں ملوث عناصر کو قرار واقعی سزا دی جائے گی۔ انہوں نے علماء کرام کی جانب سے اس سانحہ کے بعد صبرو تحمل کرنے کی تعریف کی اورکہا کہ اس طرح کے معاملات کو قانونی اور پرامن طریقے سے حل کیا جانا ضروری ہے۔ وفد کے ارکان نے اس سانحے کے بعد حکومت پاکستان کی جانب سے کئے گئے اقدامات پر اطمنان کا اظہار کرتے ہوئے ہائی کمشنر کا شکریہ ادا کیا۔ وفد ختم نبوت ایجوکیشن سنٹر برمنگھم، انٹرنیشنل ختم نبوت موومنٹ، عالمی مجلس تحفظ ختم نبوت، علماء رابطہ کونسل برطانیہ، سواد اعظم اہلسنت اور جمعیت علماء برطانیہ کے علماء پر مشتمل تھا۔ جس میں مفتی محمد اسلم، سہیل باوا، مفتی عبدالوہاب، مولانا اسلام علی شاہ، مولانا اسلم زاہد، مولانا اسد میاں شیرازی، قاری امداد اللہ، قاری ممتاز حسین، مولانا جمیل احمد بندانی، مفتی خالد، حافظ اشفاق، مولانا عارف راجہ، مولانا عطا اللہ خان، مولانا محمد قاسم، حافظ محمد بشیر، قاری نیاز احمد اور دیگر شامل تھے۔