مقبول خبریں
روٹری کلب کے راہنما ڈاکٹر سہیل قریشی کے اعزاز میں سماجی کمیونٹی شخصیت چوہدری محمود کا استقبالیہ
پاکستان سے آئے وکلا کے اعزاز میں ورلڈ وائیڈ سالیسٹرز کے ڈائیریکٹر محمد اشفاق کا استقبالیہ
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجابت حسین کا کنزرویٹو پارٹی لیڈر شپ کیلئے وزیرخارجہ جیریمی ہنٹ کی حمایت کا اعلان
بے نظیر بھٹو: چراغ بجھ گیا لیکن روشنی زندہ ہے
پکچرگیلری
Advertisement
پی ٹی وی کے کنٹرولر پروگرامز غفران امتیازی کی کتاب ’’بیتے دن بیتی باتیں‘‘کی تقریب رونمائی
اسلام آباد ... پاکستان ٹیلی ویژن کے سابق کنٹرولر پروگرامز غفران امتیازی کی کتاب ـ’’ بیتے دن ۔بیتی باتیں‘‘کی تقریب رونمائی اسلام آباد ہوٹل میں منعقد ہوئی جس میں پی ٹی وی میں 29برسوں کی سر گزشت بیان کی گئی ہے ۔تقریب میں نامور شاعر مہمان خصوصی افتخار عارف ، سابق ایم ڈی پی ٹی وی اختر وقار عظیم ، پروفیسر ڈاکٹر نعیم ، ڈاکٹر بلال سہیل ، بریگیڈئر (ر) نعیم آفریدی ، سردار منیر رائو، فردوس عالم اور اعجاز گل نے شرکت کی اور کتاب کی تعریف کی ،تقریب کی میزبان مشہور ٹی وی سٹار لیلیٰ زبیر ی تھیں، تقریب سے خطاب کرتے ہوئے مصنف غفران امتیازی نے کہا کہ آپ سب کا تہہ دل سے شکر گزار ہوں کہ آپ سب نے آج میری پہلی تصنیف ’’ بیتے دن۔ بیتی باتیں‘‘ کی تقریب رونمائی میں شرکت کر کے نہ صرف اس محفل کو رونق بخشی بلکہ میری حوصلہ افزائی بھی کی اور ساتھ منتظمین کا شکریہ ادا کرنا بھی چاہتا ہوں جنہوں نے گزشتہ کئی دنوں کی لگاتار محنت سے اسکے انعقاد کا اہتمام کیاانہوں نے کہا کہ میرا طویل تعلق پاکستان ٹیلی ویژن سے رہا میں نے اس نشریاتی ادارے میں1966میں ایک تربیتی پیشکار کی حیثیت سے شمولیت اختیار کی اور1996میں29سال کی ملازمت کے بعد کنٹرولر پروگرامز کی حیثیت سے ریٹائر ہوئے،ملازمت سے فراغت کے بعد بھی خاصی مدت تک درس و تدریس کے کاموں میں مصروف رہا، انہوں نے کہا کہ اس کتاب کا اصل قاری الیکٹرانک میڈیا کا وہ طالب علم ہے جسے ٹیلی وژن کے شعبہ میں گہری دلچسپی ہے ، میں نے پی ٹی وی میں 29سال کے تجربے کا نچوڑ اس کتاب میں جمع کیا ہے ۔