مقبول خبریں
ایسٹرن پویلین ہال اولڈہم میں آزادکشمیر میں قائم اسلام ویلفیئر ٹرسٹ کے سالانہ چیرٹی ڈنر کا انعقاد
مسئلہ کشمیر بارےیورپی پارلیمنٹ انتخابات پر برطانیہ و یورپ میں بھرپور لابی مہم چلائینگے،راجہ نجابت
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
سرچ آپریشن
پکچرگیلری
Advertisement
پی ٹی آئی برطانیہ نارتھ ویسٹ ریجن کا انتخابی مہم میں حصہ لینے والے عہدیداران کے اعزاز میں استقبالیہ
مانچسٹر:پاکستان میں ہونے والے عام انتخابات میں برطانیہ سے تحریک انصاف کے 200 سے زائد کارکنان اور عہدیداران نے انتخابی مہم میں حصہ لیا اور اب انکی واپسی کا سلسلہ جاری ہے۔ تحریک انصاف برطانیہ کے جنرل سیکرٹری سید باسط شاہ، نارتھ ویسٹ وویمن ونگ کی ہیڈ عالیہ ہاشمی، اور ملک عمران خلیل کی واپسی کے موقع پر تحریک انصاف برطانیہ نارتھ ویسٹ ریجن کے عہدیداران اور کارکنان نے تحریک انصاف کے آفس مانچسٹر میں استقبالیہ دیا۔اس موقع پر جنرل سیکرٹری سید باسط شاہ کا کہنا تھا کہ برطانیہ سے 200 سے زائد پی ٹی آئی کے کارکنان نے پاکستان میں ہونے والے عام انتخابات کی انتخابی مہم میں حصہ لیا اور وفد نے پاکستان کے مختلف حلقوں میں موثر طور پر کام کیا۔ان کا مزید کہنا تھا کہ پاکستان کے انتخابات میں دھاندلی نہیں ہوئی اور پاکستان کی عوام کا کہنا تھا کہ انہیں وحشی درندوں اور کرپٹ مافیا سے نجات چاہیے ،ان کا کہنا تھا کہ اوورسیز کے وفد کو وہاں کے لوگوں نے بھرپور استقبال کیا اور خدمات کو سراہا اور الیکشن جیتنے کے بعد چئیرمن تحریک انصاف کی تقریر میں اوورسیز کے کردار کو سراہانا ہمارے لیے اعزاز کی بات اور باعث فخر ہے اور تحریک انصاف برطانیہ کے کارکنان جنہوں نے برطانیہ اور پاکستان میں الیکشن جیتنے کے لیے کام کیا انکا دلی شکریہ ادا کرتا ہوں۔اس موقع پر نارتھ ویسٹ وویمن ونگ کی ہیڈ عالیہ ہاشمی کا کہنا تھا کہ پاکستان میں ہونے والے عام انتخابات میں شرکت کرنے کا تجربہ اچھا رہا۔ان کا مزید کہنا تھا کہ برطانیہ سے جانے والی خواتین نے پاکستانی خواتین کے ساتھ ملکر کام کیا اور پاکستانی عورتوں نے بھی بیرون ممالک سے جانے والوں کی طرح محنت و لگن سے الیکشن میں جماعت کی جیت کے لیے کام کیا۔نارتھ مانچسٹر کے جنرل سیکرٹری ملک عمران خلیل کا کہنا تھا کہ پاکستان کی عوام نے اپنے مستقبل کے لیے تحریک انصاف کو جتوایا۔استقبالیہ میں منیر شاہ ، نئی ممبر نگینہ عمران، فہیم نواز، جنرل سیکرٹری گریٹر مانچسٹر نوید بھٹی، نارتھ ویسٹ یوتھ ونگ کے ہیڈ چوہدری محمد یاسر، سعید ہاشمی سنئیر نائب صدر نارتھ ویسٹ ، اور شعیب رشید سینیر نائب صدر نارتھ ویسٹ بھی شریک ہوئے۔خصوصی رپورٹ:فیاض بشیر