مقبول خبریں
روٹری کلب کے راہنما ڈاکٹر سہیل قریشی کے اعزاز میں سماجی کمیونٹی شخصیت چوہدری محمود کا استقبالیہ
پاکستان سے آئے وکلا کے اعزاز میں ورلڈ وائیڈ سالیسٹرز کے ڈائیریکٹر محمد اشفاق کا استقبالیہ
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجابت حسین کا کنزرویٹو پارٹی لیڈر شپ کیلئے وزیرخارجہ جیریمی ہنٹ کی حمایت کا اعلان
بے نظیر بھٹو: چراغ بجھ گیا لیکن روشنی زندہ ہے
پکچرگیلری
Advertisement
مقبوضہ کشمیر میںبھارتی مظالم جاری ، مزید2نوجوانوں کوشہید کر دیا گیا
سرینگر :مقبوضہ کشمیر میں بھارتی فوجیوں نے ریاستی دہشت گردی کی تازہ کارروائی کے دوران ضلع کپواڑہ میں دو نوجوان شہید کر دئیے ۔ کشمیر میڈیاسروس کے مطابق فوجیوں نے نوجوانواں کو ضلع کپواڑہ کے علاقے کھم ریال میں محاصرے اور تلاشی کی ایک پرتشدد کارروائی کے دوران شہید کیا۔ آخری اطلاعات تک علاقے میں بھارتی فوج کا آپریشن جاری تھا۔ ضلع ہر ناگ ،اننت ناگ ،و ہانگل گنڈ، کوکر ناگ میں فوجی اہلکاروں کے ہاتھوں دومقامی ڈرائیوروں کو زد و کوب کرنے کے خلاف لوگوں نے سرینگر جموں شاہراہ پر دھر نا دیکر ملوث اہلکاروں کے خلاف احتجاج کیا ۔اس موقعہ پر مظاہرین نے بھارتی فورسز کیخلاف شدید نعرے بازی کی اور سڑک پر دھرنا دیا۔ بھارتی فورسز نے احتجاج ختم کرانے کیلئے طاقت کا استعمال کیا اور لاٹھی چارج اور شیلنگ کی جس کے نتیجے میں متعدد افراد زخمی ہو ئے ۔لولاب میں دوسرے روز بھی فوجی آپریشن جاری رہا اورپلوامہ کے نائرہ سے 3نوجوانوں کو گرفتار کر لیا گیا۔ کپواڑہ میں بھی سرچ آپریشن کیا گیا ،سری نگر کے برزلہ علاقے میں مدثر احمد بٹ نامی نوجوان کی شہادت پر ہڑتال رہی۔ حریت کانفرنس کے چیئرمین سید علی گیلانی کی ہدایت پر مجلس شوریٰ کے ارکان پر مشتمل وفد نے شہید مدثر احمد بٹ کے والدین اور اہل خانہ کے ساتھ سید علی گیلانی کی طرف سے تعزیت اور دلی ہمدردی کا اظہار کیا۔ شہید مدثر احمد کو خراج عقیدت ادا کرتے ہوئے شوریٰ ارکان نے اس عہد کا اعادہ کیا کہ کل جماعتی حریت کانفرنس شہدا کے مشن کے ساتھ ایفائے عہد کرتے ہوئے اسے اپنے منطقی انجام تک لے جانے کی پابندہے ۔