مقبول خبریں
وسط مدتی انتخابات کے سلسلہ میں جموں کشمیر تحریک حق خود ارادیت کے زیر اہتمام تقریب
پاکستان اور بھارت میں واقعی برابری کہاں ؟ ایک طرف محبت دوسری طرف نفرت
پاکستانی نژاد پیشہ ورانہ ماہرین اور طلبہ جہاں بھی ہوں اقدار کی پاسداری کریں: نفیس زکریا
برطانوی شاہی جوڑے کی پاکستان میں زبردست پذیرائی، وزیر اعظم اور صدر مملکت سے ملاقاتیں
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
حلقہ ِ ارباب ِ ذوق کے ادبی پروگرام میں پاکستانیوں اور کشمیری کونسلرز کی بڑی تعداد میں شرکت
پارک ویو کمیونٹی سنٹر شہیر واٹر میں ہمنوا یو کے کے زیرِ اہتمام یوم آزادی پاکستان تقریب کا انعقاد
راجہ نجابت کا کشمیر دوست امیدواران کو ووٹ دینے بارے آگاہی میٹنگ کا انعقاد
سہمے ہوئے لوگوںسے بھی خائف ہے زمانہ
پکچرگیلری
Advertisement
پنجاب کی نگران حکومت پی ٹی آئی کے اشاروں پر ناچ رہی ہے: میاں شہباز شریف
پشاور: شہباز شریف کا کہنا ہے کہ تمام مشکل حالات کے باوجود ہماری انتخابی مہم جاری ہے، پنجاب میں نگران حکومت پی ٹی آئی کے احکامات پر عمل کر رہی ہے، الیکشن کمیشن خاموش تماشائی بنا بیٹھا ہے۔ پاکستان مسلم لیگ نون کے صدر نے میڈیا سے گفتگو کرتے ہوئے کہا چار پانچ دنوں میں عمران خان کے تمام جلسے فلاپ ہو گئے، کل لاہور کی ریلی میں گنتی کے چند لوگ تھے، عمران خان دراصل بہتان خان ہیں۔ انہوں نے کہا پنجاب کی نگران حکومت اور پی ٹی آئی میں کوئی فرق نہیں، ہماری ریلی کے شرکا پر دہشت گردی کی دفعات لگا دی گئیں۔شہباز شریف کا کہنا تھا نیب کے دباؤ کی وجہ سے ہمارے الیکٹ ایبلز ٹوٹ گئے، جگہ جگہ نیب کا دباؤ ہے، نواز لیگ کو دیوار سے لگایا جا رہا ہے۔ انہوں نے کہا ہوا نواز لیگ کے حق میں چل رہی ہے، صاف و شفاف الیکشن ہی ترقی کا راز ہے، اگلے پانچ سال میں پاکستان کو ترکی اور ملائیشیا کی سطح پر لے آئیں گے۔صدر مسلم لیگ نون نے مزید کہا کہ دہشت گردی پر کافی حد تک قابو پا لیا گیا ہے، دہشت گردی اور انتہا پسندی ختم کرنے کے لئے آخری حد تک جانا ہو گا۔ انہوں نے کہا نواز شریف کی آمد پر سیکڑوں کارکنوں کو گرفتار کیا گیا، ان کی آمد پر پورا شہر امڈ آیا، سڑکوں پر جگہ نہیں تھی۔بعد ازاں مینگورہ اور سوات میں خطاب کرتے ہوئے شہباز شریف نے کہا کہ پختونوں کے ساتھ میں دل سے محبت کرتا ہوں، میں پہلے پختون اور بعد میں پنجابی ہوں، مجھے موقع ملا تو کے پی کے کو پنجاب اور سوات کو لاہور بناؤں گا۔شہباز شریف نے کہا کہ عمران خان نے صوبے کیلئے 300 ارب کا قرضہ لیا لیکن خیبر پختونخوا کا بیٹرا غرق کر دیا، انہوں نے ایک ارب درخت لگانے کا جھوٹ بولا، چیئرمین پی ٹی آئی نے کرپشن ختم کرنے کا دعویٰ کیا مگر پشاور میٹرو بس کا ٹھیکہ بلیک لسٹ کمپنی کو دیدیا۔انہوں نے عوام سے وعدہ کیا کہ اگر ن لیگ کو دوبارہ اقتدار ملا تو ہم سوات، مینگورہ اور ملاکنڈ کو تمام سہولتیں دیں گے، پانی کی قلت پر قابو پانے کیلئے خیبر پختونخوا میں ہزاروں چھوٹے ڈیمز بنائیں گے۔انہوں نے کہا کہ عمران خان نے پورے ملک کو بجلی دینے کا وعدہ کیا لیکن اپنے دور میں ایک میگاواٹ بجلی پیدا نہیں کی، جبکہ دوسری جانب ن لیگ دور میں 11 میگاواٹ بجلی سسٹم میں شامل کی گئی۔