مقبول خبریں
راچڈیل کیسلمئیرسنٹر میں کمیونٹی کو صحت مند رہنے،حفاظتی تدابیر بارے آگاہی ورکشاپ کا انعقاد
یورپی پارلیمنٹ میں قائم ’’فرینڈز آف کشمیر گروپ‘‘ کی تنظیم سازی کردی گئی
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
ہم نے سچ کو دیکھا ہے جھوٹ کے جھروکوں سے!!!!
پکچرگیلری
Advertisement
عقیدہ ختم نبوت مسلمان کے ایمان کا بنیادی جزو،اس پرسمجھوتا نہیں کرینگے: پیر منور حسین جماعتی
اولڈہم:عقیدہ ختم نبوت ہر مسلمان کے ایمان کا بنیادی جزو ہے اس پر کوئی سمجھوتا نہیں کریں گے۔ ان خیالات کا اظہار پیر منور حسین جماعتی نے اولڈہم کی بلال مسجد میں تاجدار ختم نبوت ،ملت کانفرنس اور الحاج پیر سید جماعت علی شاہ محدث علی پور کے عرس مبارکہ کے سلسلے میں منعقدہ محفل سے خطاب کرتے ہوئے کیا ان کا مزید کہنا تھا کہ حکومت کی جانب سے ختم نبوت شق میں ترمیم اور قادیانیوں کو مسلمان قرار دینے والی سازش پر جسٹس صدیقی کا فیصلہ ہر مسلمان کے جذبات کی ترجمانی ہے۔عقیدہ ختم نبوت ہر مسلمان کے ایمان کی اساس ہے نئی نسل کو اس عقیدے سے آگاہ کرنا علماء مشائخ کی ہی نہیں بلکہ مسلمان حکمرانوں کی ذمہ داری ہے عقیدہ ختم نبوت پوری امت کا اجتماعی عقیدہ ہے اور ہم عقیدہ ختم نبوت پر حملہ آور ہونیو الوں پر واضح کر دینا چاہتے ہیں کہ ہر سازش کا مقابلہ کرنے کیلئے ہم متحد ہیں عالمی طاقتیں پاکستان کو سیکولر ریاست بنانا چاہتی ہیں،قانون ناموس رسالت اور قوانین تحفظ ختم نبوت کو ختم کرنے کے بیرونی مطالبے دراصل قاد یانیوں کی سازش ہے جسے مسلمانوں کو متحد ہوکر ان سازشوں کو بھانپنا ہوگا۔ مولانا شاہجہان مدنی کا کہنا تھا کہ ایسی محافل نوجوان نسل کو اسلام کے حقیقی پیغام سے روشناس کروانے میں اہم کردار ادا کرتی ہیں۔ اسلام کے خلاف جاری سازشوں کے مقابلے کے لیے ہمیں اپنی اولادوں کو اسلام کا محافظ بنانا ہوگا انھیں اسلام کی حقیقی تربیت دینی ہوگی۔ تاجدار ختم نبوت کانفرنس میں سید راشد حسین شاہ، مولانا طاہر بغدادی، محمد شیراز جماعتی، احمد زمان نقشبندی، ، سید نعمان حسین شاہ جماعتی، سید فیض رسول شاہ ترمذی، قاری محمد فضیل احمد سیالوی نے خطاب اور نذرانہ عقیدت کے گلدستے پیش کیے۔ کانفرنس میں کشمیر، فلسطین اور امت مسلمہ کے لیے خصوصی دعائیں کی گئی۔ اس موقعہ پر کمیونٹی کی بڑی تعداد شریک ہوئی۔ جبکہ لنگر جماعتی کا بھی خصوصی اہتمام کیا گیا تھا۔خصوصی رپورٹ:فیاض بشیر