مقبول خبریں
نائجیریا کمیونٹی ایسوسی ایشن کا میئر چیئرٹی فنڈریزنگ ڈنر کا اہتمام ،مئیر کونسلر محمد زمان کی خصوصی شرکت
بریگزیٹ بحران :کنزرویٹو پارٹی کی تین خواتین ممبر کی آزاد گروپ میں شمولیت
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
میئرآف لوٹن (برطانیہ) نے شاہد حسین سید کو کمیونٹی سروسز پر شیلڈ پیش کی
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجا بت حسین کی صدر آزاد کشمیر سردار مسعود اور وزیر اعظم راجہ فاروق حیدر سے ملاقات
میں روشنی سے اندھیرے میں بات کرتا ہوں!!!!!!
پکچرگیلری
Advertisement
انسانی حقوق کے نمائندوں کو مقبوضہ کشمیر جانیکی اجازت ہونی چاہئے: پاکستانی ہائی کمشنرسید ابن عباس
لندن:برطانیہ میں متعین پاکستانی ہائی کمشنرسید ابن عباس نے برطانوی پارلیمنٹیرینز کو مقبوضہ کشمیر میں بھارتی ظلم و ستم کی تازہ ترین صورتحال سے آگاہ کرتے ہوئے اس امر کو ضروری قرار دیا کہ غیرجانبدار مبصرین اور انسانی حقوق کے نمائیندوں کو وہاں جانے کی اجازت ہونی چاہیئے تاکہ وہ کشیدہ صورتحال کا ازخود اندازہ کرسکیں۔برطانوی پارلیمنٹ میں آل پارٹی پارلیمانی گروپ آن کشمیر کے خصوصی اجلاس کی صدارت گروپ کے چہئرمین کرس لزلی ایم پی نے کی جبکہ جیک بیریٹن ایم پی، ڈیبی ابراہام ایم پی، عمران حسین ایم پی، سارہ چیمپیئن ایم پی، تن من جیت سنگھ ایم پی، خالد محمود ایم پی اور لارڈ نذیر سمیت متعدد ممبران پارلیمنٹ نے اجلاس میں شرکت کی اور مقبوضہ کشمیر بارے پاکستان کے موقف کو سراہا۔ پاکستانی ہائی کمشنر اور ڈپٹی ہائی کمشنر نے ممبران پارلیمنٹ اور سول سوسائیٹی کے ممبران کو بتایا کہ مقبوضہ کشمیر میں بھارتی افواج کے مظالم پر خاموشی انسانی حقوق سے سراسر روگردانی کے مترادف ہے، اقوام متحدہ جب ایسے علاقے کو متنازعہ قرار دے چکی ہے تو بھارت کس منہ سے وہاں جا کر معصوم عوام کو تشدد کا نشانہ بناتا ہے۔آل پارٹی پارلیمانی گروپ آن کشمیر کے چیئرمین کرس لزلی نے مقبوضہ کشمیر کے حقائق پر مبنی رپورٹ جلد از جلد مرتب کرنے کی خواہش کا اظہار کیا انہوں نے انسانی حقوق کے حوالے سے اس رپورٹ کو مرتب کرنے کیلئے پاکستان ہائی کمیشن کی کاوشوں کو سراہا، واضع رہے کہ پاکستان ہائی کمیشن لندن کی سات ماہ کے عرصے میں یہ دوسری رپورٹ ہوگی، اجلاس سے ماہر تعلیم ڈاکٹر اعجاز حسین نے بھی خطاب کیا اور اقوام متحدہ کی کشمیر میں انسانی حقوق کے حوالے سے تازہ ترین شائع ہونے والی رپورٹ کے مندرجات پر روشنی ڈالی۔خصوصی رپورٹ:فیاض بشیر