مقبول خبریں
روٹری کلب کے راہنما ڈاکٹر سہیل قریشی کے اعزاز میں سماجی کمیونٹی شخصیت چوہدری محمود کا استقبالیہ
پاکستان سے آئے وکلا کے اعزاز میں ورلڈ وائیڈ سالیسٹرز کے ڈائیریکٹر محمد اشفاق کا استقبالیہ
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
سابق صدر پی ٹی آئی یارکشائر اینڈ ہمبر ریجن طاہر ایوب خواجہ کا اپنی رہائش گاہ پر محفل کا انعقاد
بے نظیر بھٹو: چراغ بجھ گیا لیکن روشنی زندہ ہے
پکچرگیلری
Advertisement
شاندار کی بجائےجاندار اسلامی مراکز کی ضرورت ہے جہاں احکامات الٰہی کیمطابق کردار سازی ہو: لارڈ نذیر
مانچسٹر ... کمیونٹی کی سرکردہ شخصیت لارڈ نذیر احمد نے کہا کہ شاندار کی بجائے ہمیں جاندار اسلامی مراکز کی ضرورت ہے جہاں پر احکامات الٰہی اور تعلیمات نبویؐ کی روشنی میں کردار سازی کی جائے اور اس مقصد کے حصول کے لئے مدنی اسلامک سینٹر مانچسٹر کا قیام خوشگوار اضافہ ہے چونکہ مانچسٹر کے مسلمانوں کے لئے عبادت گاہ ہی نہیں بلکہ ان کی دینی، روحانی نظریات، علمی، ثقافتی اور ظاہری و باطنی تربیت میں کلیدی کردار ادا کرے گا۔ ان خیالات کا اظہار انہوں نے مدنی اسلامک سینٹر لانگ سائیڈ مانچسٹر میں اسلامی معاشرے میں علمی مراکز کا کردار کے موضوع پر علمی و فکری نشست میں مہمان خصوصی کی حیثیت سےکیا۔ لارڈ میئر مانچسٹر کونسلر نعیم الحسن نے خطاب کرتے ہوئے کہا مدنی اسلامک سینٹر کا قیام مسلمانان مانچسٹر کی روحانی پیاس بجھانے میں اہم کردار ادا کرے گا۔ جہاں عصر حاضر کے تقاضوں کے مطابق حقوق اللہ اور حقوق العباد کے فلسفہ کو اجاگر کرتے ہوئے تعمیر انسانیت کو پروان چڑھایا جائے گا۔ یہی حالات کا تقاضا اور وقت کی اہم ضرورت ہے۔ امیدوار یورپین پارلیمنٹ ممبر لیبر پارٹی برطانیہ کے سرکردہ رہنما کونسلر افضل خان نے کہا کہ مساجد اور علمی مراکز اسلام کا مضبوط قلعہ ہیں۔ انہوں نے علامہ شاہجہان مدنی، ان کے رفقاء اور اہالیان مانچسٹر کو خراج تحسین پیش کیا۔ بزنس کمیونٹی کی نمائندگی کرتے ہوئے ہارون افضل کھٹانہ نے کہا کہ مسلم آبادی میں مدنی اسلامک ایجوکیشنل کلچرل سینٹر کاقیام دنیا میں رضائے الٰہی کے حصول اور اُخروی نجات کا ذریعہ ہے۔ اس موقع پر قاری جاوید اختر چشتی، مفتی عبدالمناف، امام سبطین علی، امجد حسین مغل، راجہ بشیر احمد سیالوی، حاجی نعیم پرویز، چوہدری محمد سرفراز، چوہدری محمد اعجاز ملہی، استاد صفدر حسین اور دیگر نے اپنے خیالات کا اظہار کیا۔