مقبول خبریں
یوم عاشور کے حوالہ سے نگینہ جامع مسجد اولڈہم میں روح پرور،ایمان افروز محفل کا اہتمام
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
میاں جی کی لڑکیاں
پکچرگیلری
Advertisement
عمران خان لور گروپ کا یوم یکجہتی کشمیر پر تقریب کا انعقاد، صاحبزادہ جہانگیر کی خصوصی شرکت
مانچسٹر:کشمیری قوم کئی دہائیوں سے اپنے پیدائشی حق خود ارادیت کیلئے اقوام متحدہ کی قراردادوں پر عمل در آمد کی منتظر ہے اور بھارتی سکیورٹی اداروں کی طرف سے ڈھائے جانے والے انسانیت سوز ظلم و ستم کا شکار ہے پاکستان کشمیری قوم کی اخلاقی و سفارتی محاذ پر وکالت کرتا رہے گا لیکن اب حالات کی کشیدگی اس بات کا تقاضا کرتی ہے کہ ہمیں اس سلسلے میں انتہائی اقدامات اٹھانے کی اشد ضرورت ہے پاکستانی و کشمیری کمیونٹی کو باہمی اتحاد و اتفاق کا عملی مظاہرہ کرتے ہوئے تمام تر اختلافات کو بالائے طاق رکھتے ہوئے فی الفور برطانیہ و یورپ کے ساتھ عالمی طاقتوں کے دارالحکومت اور اقوام متحدہ،انسانی حقوق کی علمبردار تنظیموں کے مرکزی دفاتر کے سامنے بھوک ہڑتال شروع کر دینی چاہئے اس اقدام کے بغیر کوئی اور راستہ نہیں ہے،ان خیالات کا اظہار پاکستان تحریک انصاف برطانیہ کے سینئر راہنما صاحبزادہ عامر جہانگیر نے مانچسٹر کے ہال میں عمران خان لور گروپ کی جانب سے پانچ فروری کے حوالہ سے یوم یکجہتی کشمیر کے موقع پر رکھی گئی ایک تقریب میں کیا،انہوں نے مزید کہا اب بہت ہو چکا فرضی نعروں کا دور گزر چکا ہمیں عملی طور پر کچھ کرنا ہو گا پاکستانی قوم کشمیریوں کے شانہ بشانہ کھڑی ہے انہیں انکا حق ضرور ملے گا،پاکستان پریس کلب برطانیہ کے صدر ارشد رچیال نے خطاب کرتے ہوئے کہا کہ مقبوضہ کشمیر میں بھارتی سکیورٹی اداروں کی وحشیانہ کارروائیوں سے معصوم بچے،عورتیں،نوجوان شہادت کا جام نوش فرما رہے ہیں اور جب بھارتی افواج کنٹرول لائن کی بین الاقوامی قوانین کی دھجیاں اڑاتے ہوئے بلا جواز گولہ باری اور شدید فائرنگ کرتی ہے تو آزاد کشمیر میں بسنے والے بے گناہ لوگ اسکا نشانہ بنتے ہیں مسئلہ کشمیر کا سیاسی حل وقت کا تقاضا ہے،آر پار کے کشمیریوں کو ایک دوسرے کے ساتھ ملنے جلنے کا موقع ملنا چاہئے اس سے پاکستان،بھارت کے ساتھ تنائو کم ہو گا اور مسئلہ کشمیر کا پر امن حل ممکن ہو گا،کشمیری قوم بہت زیادہ قربانیاں دے چکی ہے اب ہر حال حق خود ارادیت ملنا چاہئے تاکہ کشمیری اپنی قسمت کا فیصلہ کر سکیں،عمران خان لور گروپ کے چیئرمین آصف رشید بٹ نے کہا کہ ہم آج کشمیری قوم سے شرمندہ ہیں کہ ہمارے موجودہ حکمران اور سابق وزیر اعظم میاں نواز شریف ذاتی کاروبار کو وسعت دینے کی وجہ سے بھارت کے ساتھ دوستی میں اس قدر آگے چلے گئے تھے کہ مسئلہ کشمیر کو سرد خانے کی نظر کر دیا،اس وقت واحد راہنما عمران خان ہیں جو تمام حل طلب مسائل کو حل کروانے کیلئے بین الاقوامی طاقتوں کے سامنے کھڑے ہو سکتے ہیں،انہوں نے واشگاف نعرے لگا کر ماحول کو گرما دیا،لور گروپ کے صدر چوہدری بلال گجر نے کہا کہ ہمیں کشمیری قوم کے ساتھ کھڑے ہو کر ان کی جنگ لڑنی چاہئے،ڈپٹی میئر راچڈیل کونسلر محمد زمان و کونسلر عاصم رشید نے کہا کہ کشمیر کا واحد حل سیاسی ہے جو پاکستان و بھارت دونوں کے بہترین مفاد میں ہے،مولانا شاہجہان مدنی نے کہا کہ اگر مسئلہ کشمیر حل ہو جائے تو پاکستان و بھارت باہمی تجارت سے خطہ کے اندر انقلاب برپا ہو سکتا ہے تقریب سے سلیک انٹر نیشنل کے ڈائریکٹر اور پاکستان پراپرٹی شو کے چیئرمین ماجد نذیر،تحریک انصاف کے اسلم بھٹہ،محمد نواز سنٹرل آرگنائزنگ کمیٹی برطانیہ کے ممبر چوہدری سردار،نارتھ ویسٹ کے نائب صدر عمران چوہدری،برطانیہ کے صحافی چوہدری عارف پندھیر،کاروباری شخصیات مظہر مجید،انیل مسرت و دیگر نے خطاب کیا،کشمیر کی آزادی و پاکستان کی سلامتی کیلئے دعا بھی کی گئی،تقریب کی نظامت منیب شیخ نے سر انجام دی۔خصوصی رپورٹ:فیاض بشیر