مقبول خبریں
اولڈہم ٹاؤن میں پہلی جنگ عظیم کی صد سالہ تقریب،جم میکمان،مئیر کونسلر جاوید اقبال و دیگر کی شرکت
مشتاق لاشاری سی بی ای کا پورٹریٹ کونسل ہال میں لگا نے کی تقریب، بیگم صنم بھٹو نے نقاب کشائی کی
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
مقبوضہ کشمیر بارے عالمی طاقتوں کا دوہرا معیار سوالیہ نشان ہے:پیر محمد مقصود مدنی
مانچسٹر:کشمیر پاکستان کی شہ رگ ہے،کشمیری عوام کے ساتھ محبت کا لازوال رشتہ ہے جسے دشمن طاقتیں گھنائونی سازشوں سے توڑ نہیں سکتے،مقبوضہ کشمیر میں بھارتی سکیورٹی اداروں کی جارحیت در اصل انسانیت کی تذلیل اور بنیادی حقوق کی کھلم کھلا خلاف ورزی ہے،پاکستانی عوام پانچ فروری کو کشمیریوں کے ساتھ یوم اظہار یکجہتی منا کر اس بات کو عالم اقوام اور بھارت پر ثابت کرتے ہیں کہ ہم کشمیریوں کے حق خود ارادیت کی جدو جہد میں انکے شانہ بشانہ کھڑے ہیں،انسانیت اور ہمارا مذہب اسلام ہمیں اس بات کا درس دیتا ہے کہ مظلوم کی مدد و حمایت کیلئے ہمیں حق و سچ کا عَلم بلند کرنا چاہئے،یہ باتیں ادارہ نو السلام فیصل آباد پاکستان کے بانی پیر طریقت،رہبر شریعت پیر ابو احمد محمد مقصود مدنی نے یوم یکجہتی کشمیر کے موقع پر میڈیا کو دیئے گئے اپنے ایک خصوصی پیغام کے موقع پر کیں،انہوں نے مزید کہا کہ مقبوضہ کشمیر میں عورتوں،بچوں پر جس طرح ظلم و ستم کیا جاتا ہے دیکھ کر دل خون کے آنسو روتا ہے عالمی طاقتوں اور انسانی حقوق کی علبردار تنظیموں کا دوہرا معیار سوالیہ نشان ہے،انہوں نے مزید کہا کہ پاکستان کشمیریوں کی اخلاقی مدد و وکالت کرتا رہے گا،حکومت پاکستان کو چاہئے کہ وہ مسئلہ کشمیر پر ٹھوس موقف اختیار کرے اس وقت ہمارے کمزور موقف کی وجہ سے بھارت آئے روز لائن آف کنٹرول کی خلاف ورزی کرتا ہے اور بے گناہ لوگوں کو شہید کیا جاتا ہے،انہوں نے کہا کہ آئیے یوم یکجہتی کشمیر کے موقع پر تجدید عہد کریں کہ کشمیریوں کو انکا پیدائشی حق خود ارادیت دلوانے کیلئے تمام تر وسائل کو بروئے کار لائیں گے یہ ہمارا انسانی،دینی اور اخلاقی فریضہ ہے۔خصوصی رپورٹ:فیاض بشیر