مقبول خبریں
ایسٹرن پویلین ہال اولڈہم میں آزادکشمیر میں قائم اسلام ویلفیئر ٹرسٹ کے سالانہ چیرٹی ڈنر کا انعقاد
مسئلہ کشمیر بارےیورپی پارلیمنٹ انتخابات پر برطانیہ و یورپ میں بھرپور لابی مہم چلائینگے،راجہ نجابت
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
سرچ آپریشن
پکچرگیلری
Advertisement
طالبان سے مذاکرات ہونے چاہیئں ، امید ہے کہ وہ مثبت جواب دیں گے: نواز شریف
کوئٹہ ... طالبان کی طرف سےسخت بیانات کے باوجود وزیر اعظم پاکستان میاں محمد نواز شریف نے اپنے اس عزم کا اعادہ کیا ہے کہ طالبان سے مزاکرات ہونے چاہیئں تاکہ ملک میں امن و استحکام کی راہ ہموار ہو۔ جمعہ کی شب بلوچستان کے آفت زدہ علاقے آواران کے دورے کے بعد کراچی پہنچنے پر صحافیوں سے گفتگو میں ان کا برملا کہنا تھا کہ طالبان سے مزاکرات دونوں فریقوں کے لئے بہتر ہیں۔ میاں نواز شریف کا کہنا تھا کہ دہشت گردی کے خلاف جنگ میں چالیس ہزار پاکستانی ہلاک ہوچکے ہیں۔ انہوں نے کہا کہ ان کی کوشش اور خواہش ہے کہ طالبان سے مذاکرات کیے جائیں اور وہ پرامید ہیں کہ طالبان اس کا مثبت جواب دیں گے۔ وزیر اعظم نے طالبان کے علاوہ افغانستان اور انڈیا سے بھی معاملات مذاکرات کے ذریعے حل کرنے پر زور دیا اور کہا ہم جنگجو لوگ نہیں ہیں اور جنگوں سے معاملات حل کرنا نہیں چاہتے۔ تاہم طالبان کے نئے امیر مولوی فضل اللہ نے اپنے چنائو کے فوری بعد جو بیان جاری کیا اس کے مطابق وہ حکومت پاکستان کے خلاف اپنے مسلح حملے تیز تر کر دینے کا ارادہ رکھتے ہیں۔ انہوں نے صاف طور پر پاکستان حکومت سے مذاکرات کرنے سے انکار کیا۔ تحریک طالبان پاکستان کی شوریٰ کے سربراہ عصمت اللہ شاہین نے ایک نامعلوم مقام سے گفتگو کرتے ہوئے کہا کہ طالبان ان حملوں میں سکیورٹی فورسز، حکومتی اداروں، تنصیبات، سیاسی رہنماؤں اور پولیس کو نشانہ بنائیں گے۔ کالعدم تحریک طالبان کے مطابق ان کی عسکری کارروائیوں کا نشانہ خاص طور پر صوبہ پنجاب ہو گا۔ عصمت اللہ شاہین کے مطابق سویلین آبادی، بازاروں اور عوامی مقامات کو نشانہ نہیں بنایا جائے گا۔ شام گورنر ہاؤس کراچی میں ایک پریس کانفرنس سے خطاب کرتے ہوئے وزیراعظم نوازشریف نے مزید کہا کہ حکام کی تمام توجہ آپریشن کے دوران گرفتار ہونے والوں کو سزا دینے پر ہونی چاہیے تاکہ دوسروں کو ان کے انجام سے عبرت حاصل ہو۔ وزیرِاعظم کا کہنا تھا کہ کراچی میں جاری آپریشن کو اس کے منطقی انجام تک پہنچانا ہے۔ انہوں نے واضح کیا کہ جرائم پیشہ عناصر یہ نہ سمجھیں کہ یہ آپریشن چند مہینوں میں ختم ہو جائے گا، اسے تب تک چلنا چاہیے جب تک ایک ایک مجرم کو پکڑ کر انصاف کے کٹہرے میں نہیں کھڑا کر دیا جاتا۔