مقبول خبریں
نیلی مسجد یو کے اسلامک مشن کیلئے فنڈزریزنگ اپیل پر ڈنر کا اہتمام ،مئیر کونسلرمحمد زمان کی شرکت
بھارتی لابی نے کشمیر کانفرنس کوانے کے لئے اوچھے ہتھکنڈے استعمال کیے: شاہ محمود قریشی
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
میئرآف لوٹن (برطانیہ) نے شاہد حسین سید کو کمیونٹی سروسز پر شیلڈ پیش کی
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجا بت حسین کی صدر آزاد کشمیر سردار مسعود اور وزیر اعظم راجہ فاروق حیدر سے ملاقات
کشمیر‘ جہاں خواب بھی آنسو کی طرح ہیں!!!!!
پکچرگیلری
Advertisement
پاکستان قونصلیٹ مانچسٹر کی تاریخ میں پہلی دفعہ سیرت النبیؐ کانفرنس اور میلاد النبیؐ تقریب کا انعقاد
مانچسٹر:پاکستانی قونصلیٹ مانچسٹر کی تاریخ میں پہلی دفعہ سیرت النبیؐ کانفرنس اور جشن عید میلاد النبیؐ کی تقریب کا انعقاد کیا گیا،نظامت کے فرائض کمیونٹی ویلفیئر اتاشی آفیسر فضہ نیازی نے سر انجام دیئے،قونصل جنرل عامر آفتاب قریشی نے سیرت النبیؐ پر روشنی ڈالتے ہوئے کہا کہ ہمارے پیارے نبی کریمؐ نے دین اسلام کی ترویج کیلئے ہمیشہ صبر و تحمل،ثابت قدمی اور استقامت سے کام لیا اور انہوں نے ہمیشہ رواداری،دوسرے مذاہب کا احترام اور انسانیت کی خدمت کا درس دیا،آج دنیا بھر میں مسلمان سخت ترین مشکلات کا شکار ہیں اس کی بنیادی وجہ یہ ہے کہ قرآن کریم اور حضور پاکؐ کی بنیادی تعلیمات سے دوری اختیار کر چکے ہیں امت مسلمہ انتشار کا شکار ہے،مذہب کے نام پر انتہا پسندی اور دہشت گردی کو فروغ دیا جا رہا ہے اور اسلام دشمن طاقتیں اپنے مضموم عزائم کی تشکیل کیلئے چند شر پسند عناصر کو خرید کر اپنے مقاصد کیلئے استعمال کر رہے ہیں،انہوں نے مزید کہا کہ وقت کا تقاضا ہے کہ ہم باہمی اتحاد و اتفاق کا مظاہرہ کریں وگرنہ مزید نقصان ہو گا،پیارے نبی کریمؐ کی تعلیمات اور بتائے ہوئے راہنما اصولوں پر عمل کرتے ہوئے زندگی گزاریں اور دین اسلام کو پھیلانے اور صحیح تصویر کشی غیر مذاہب تک پہنچانے کیلئے اپنا کردار ادا کریں اور عملی نمونہ پیش کریں،قاری جاوید اختر چشتی،مولانا غلام ربانی،پاکستان سے آئے ہوئے صاحبزادہ تسلیم اختر صابری،مولانا شاہجہان مدنی،ڈاکٹر فاریہ نے بھی سیرت النبیؐ پر روشنی ڈالتے ہوئے امت مسلمہ پر زور دیا کہ وہ اپنے اندر اتحاد و اتفاق پیدا کریں اور امریکہ پر واضع کردیں کہ بیت المقدس یروشلم مسلمانوں کا قبلہ اول ہے اسرائیل کا دارالحکومت قرار دینا شیطانی کھیل ہے جس کے نتائج بھیانک ہو سکتے ہیں،تلاوت کلام پاک کا شرف ڈاکٹر محمد یونس پرواز کو نصیب ہوا،قاری شاہد محمود اور الحاج شہباز قمر فریدی نے نعتیہ کلام پیش کئے،کاروباری شخصیات مسرت چوہدری،محمد غفار کے علاوہ کمیونٹی کی خواتین و مرد حضرات نے شرکت کی۔خصوصی رپورٹ:فیاض بشیر