مقبول خبریں
اولڈہم ٹاؤن میں پہلی جنگ عظیم کی صد سالہ تقریب،جم میکمان،مئیر کونسلر جاوید اقبال و دیگر کی شرکت
مشتاق لاشاری سی بی ای کا پورٹریٹ کونسل ہال میں لگا نے کی تقریب، بیگم صنم بھٹو نے نقاب کشائی کی
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
نواز شریف کا نظریہ کرپشن ہے، چیئرمین نیب حدیبیہ کیس جلد کھولیں: عمران خان
لودھراں/چشتیاں: لودھراں میں پارٹی ورکرز سے خطاب کرتے ہوئے عمران خان کا کہنا تھا کہ نواز شریف اور زرداری میں کوئی فرق نہیں ہے، ان کے لوٹنے کا طریقہ مختلف ہے لیکن دونوں کے مقاصد ایک ہی ہیں، مخالفین اللہ کی پکڑ میں آ گئے ہیں اور گرتے جا رہے ہیں۔انہوں نے کہا کہ تحریک انصاف کو مخالفین سے نہیں بلکہ اندر کے لوگوں سے ہی خطرہ ہے۔ عمران خان کا کہنا تھا کہ عوام میں اب شعور آ گیا ہے اور وہ سب سمجھ گئے ہیں، دو نمبر حکمرانوں کی وجہ سے ہی کرپشن ہے، اگر حکمران دو نمبر ہوں گے تو پٹواری اور ایس ایچ او کیسے ایک نمبر ہو گا؟تحریک انصاف کے چیئرمین کارکنوں سے خطاب کے بعد براستہ ہیلی کاپٹر چشتیاں جلسے میں شرکت کے لئے لودھراں سے روانہ ہوئے جہاں اپنے خطاب میں انہوں نے خیبر پختونخوا پولیس کی ڈی آئی خان میں دہشتگردوں کے حملے کو ناکام بنانے کی بھرپور تعریف کی۔ ان کا کہنا تھا کہ پشاور پولیس نے قتل عام ہونے سے بچایا، پولیس کے کمانڈوز فوری پہنچے اور حملہ ناکام بنایا، مجھے خیبر پختونخوا کی پولیس پر فخر ہے، کے پی پولیس پورے پاکستان کیلئے مثال بن چکی، خیبر پختونخوا میں پولیس کا غلط استعمال نہیں کیا جا سکتا۔عمران خان بولے، وعدہ کرتا ہوں پنجاب پولیس کو ٹھیک کر کے دکھائیں گے، آج یہاں ایس ایچ اوز کے تبادلے حمزہ شہباز کرتے ہیں، شہباز شریف کے سامنے آئی جی پنجاب ذاتی نوکر کی طرح بیٹھتے ہیں، پنجاب میں ہم پر جھوٹے مقدمات بنائے گئے، نواز شریف نے ایبٹ آباد جلسے میں کہا کہ نیا خیبر پختونخوا نظر نہیں آ رہا، میں کہتا ہوں، نواز شریف! نیا خیبر پختونخوا یہ ہے کہ آپ نے بلٹ پروف شیشے کے بغیر جلسہ کیا، پنجاب میں آپ بلٹ پروف شیشے کے بغیر تقریر نہیں کر سکتے، نواز شریف کرپشن کا پیسہ بچانے کیلئے ہر کام کر سکتے ہیں، وہ عدلیہ اور فوج کیخلاف ہر قسم کی سازش کیلئے تیار ہیں۔عمران خان نے یہ بھی کہا کہ نواز شریف کا نظریہ کرپشن ہے، نواز شریف 300 ارب چوری کر کے باہر لے گئے، اس پیسے کو ہم واپس لے کر آئیں گے، نواز شریف کے اتحادیوں کو اپنے پکڑے جانے کی فکر ہے، خواجہ آصف نے دبئی میں اقامہ لیا ہوا ہے، خواجہ آصف بیرون ملک کمپنی سے 16 لاکھ تنخواہ لیتے ہیں، اقامہ منی لانڈرنگ کا ایک طریقہ ہے، منی لانڈرنگ سے ملک کو ڈبل نقصان ہوتا ہے، چیئرمین نیب سے درخواست کرتا ہوں کہ احسن اقبال کے اقامے کی تحقیقات کرائیں، پاکستان کو عظیم ملک بنانے کیلئے میرٹ کا نظام لائیں گے، تمام اداروں میں میرٹ کا نظام لائیں گے، پی آئی اے سفارشی لوگوں کی وجہ سے تباہ ہوئی، ہمیں حکومت لی تو اپنے کسانوں کی مدد کریں گے اور انہیں اوپر اٹھائیں گے، انہیں ایک نمبر کھاد، بیج اور پانی فراہم کریں گے، لوگوں کو اعلیٰ تعلیم دلائیں گے۔عمران خان نے مزید کہا کہ نواز شریف ملک کو فرقہ وارانہ اور صوبائی بنیادوں پر تقسیم کر رہے ہیں مگر ہم نے ملک کو متحد کرنا ہے، تمام صوبوں، زبانوں اور مسالک کے لوگوں کو ایک جھنڈے تلے جمع کریں گے اور ایسا نیا پاکستان بنائیں گے جہاں انصاف اور میرٹ کا نظام ہو گا۔