مقبول خبریں
نائجیریا کمیونٹی ایسوسی ایشن کا میئر چیئرٹی فنڈریزنگ ڈنر کا اہتمام ،مئیر کونسلر محمد زمان کی خصوصی شرکت
بریگزیٹ بحران :کنزرویٹو پارٹی کی تین خواتین ممبر کی آزاد گروپ میں شمولیت
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
میئرآف لوٹن (برطانیہ) نے شاہد حسین سید کو کمیونٹی سروسز پر شیلڈ پیش کی
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجا بت حسین کی صدر آزاد کشمیر سردار مسعود اور وزیر اعظم راجہ فاروق حیدر سے ملاقات
میں روشنی سے اندھیرے میں بات کرتا ہوں!!!!!!
پکچرگیلری
Advertisement
معاشرے میں تعمیر و ترقی کے لئے میڈیا کا کردارمرکزی حیثیت کا حامل ہوتا ہے:اعجاز الحق
مانچسٹر:کسی بھی معاشرے کی تعمیر و ترقی میں میڈیا کا کردار مرکزی حیثیت کا حامل ہوتا ہے اور صحافت کے پیشہ سے وابستہ افراد اس کے آئینہ دار ہوتے ہیں بد قسمتی اور ستم ظریفی کا یہ عالم ہے کہ ترقی پذیر ممالک میں طاقتور طبقات اپنی غلطیوں کو چھپانے کیلئے جب صحافی حضرات غیر جانبداری کا مظاہرہ کرتے ہوئے حق و سچ کا عَلم بلند کرتے ہیں تو مختلف حربوں سے ان کی آواز دبانے کیلئے اوچھے ہتھکنڈے استعمال کرتے ہیں،پاکستان میں صحافیوں پر تشدد اور جان سے مارنے کے واقعات عام ہیں ایسی ہی افسوس ناک صورتحال چند روز قبل صحافی احمد نورانی کے ساتھ پیش آئی کہ نا معلوم افراد نے گاڑی سے اتار کر انہیں جسمانی تشدد کا بد ترین نشانہ بنایا اور ان کے سر پر لوہے کے راڈ سے مارا اس کی جتنی مذمت کی جائے کم ہے اس سے بڑی ستم ظریفی یہ ہے کہ ابھی تک حکومت اور دیگر سکیورٹی اداروں نے اس کے مرتکب کرداروں کا کھوج لگانے میں کوئی خاطر خواہ پیش رفت نہیں کی جو باعث تشویش ہے،ان خیالات کا اظہار پاکستان قومی اسمبلی کے رکن و سابق وزیر اعجاز الحق،ممبر برطانوی پارلیمنٹ و شیڈو وزیر امیگریشن افضل خان،وارینگٹن سے ممبر پارلیمنٹ فیصل رشید نے ایم ایل ڈاکٹرز کی جانب سے اعجاز الحق کے اعزاز میں رکھی گئی ایک تقریب کے موقع پر کیا،انہوں نے مزید کہا کہ صحافی حضرات پاکستان کے اندر بہتری لانے اور خامیوں کی نشاندہی کرنے کیلئے پچھلے چند برسوں سے پیشہ وارانہ ذمہ داریاں احسن طریقے سے سر انجام دے رہے ہیں اب غیر یقینی اور سکیورٹی کی عدم فراہمی کی وجہ سے انکے اندر خوف پیدا ہو گا اور وہ ذمہ داریاں احسن طریقے سے ادا نہیں کر سکیں گے،اس کیلئے حکومت کو تمام تر وسائل بروئے کار لاتے ہوئے صحافت کے شعبہ سے وابستہ افراد کو ہر طرح کی سکیورٹی فراہم کرنے میں کوئی دقیقہ فروگزاشت نہیں کرنا چاہئے،اس موقع پر ڈاکٹرز صاحبان محمد اقبال،حفیظ الرحمن،ڈاکٹر راشد ضیا،سالیٹر شعیب تاج و دیگر نے بھی اظہار خیال کیا،میاں نعیم اختر،بشیر امتیاز،منور محمد،سعید ہاشمی،جاوید اقبال،کونسلر عابد چوہان،ریحان راجہ،ڈاکٹر فخر اعوان،ڈاکٹر نعیم شاہ بھی موجود تھے۔خصوصی رپورٹ:فیاض بشیر