مقبول خبریں
ن لیگ برطانیہ و یورپ کا نواز شریف،مریم نواز اور کیپٹن صفدر کی سزائیں معطل ہونے پر اظہار تشکر
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
ہم دھوپ میں بادل کی، درختوں کی طرح ہیں!!!!!!!
پکچرگیلری
Advertisement
ایک بھائی گیا، دوسرا جانیوالا ہے، اقتدار ملا تو طاقتور کو قانون کے تحت لاؤنگا: عمران خان
میانوالی:چیئرمین تحریک انصاف عمران خان نے اپنے ہوم گراؤنڈ میانوالی میں ایک بڑے جلسہ عام سے خطاب کرتے ہوئے کہا کہ 21 سال میں مجھے بڑی بڑی مایوسیاں ملیں لیکن میانوالی نے مجھے کبھی مایوس نہیں کیا، جب الیکشن لڑنے کا فیصلہ کیا تو کہا گیا کہ ضمانت ضبط ہو جائے گی، جب کیمپئن شروع کی تو سارے میرا مذاق اڑاتے تھے لیکن سب سے پہلے میانوالی کے نوجوانوں اور بچوں نے میرا ساتھ دیا، 2002ء میں پہلی دفعہ بچوں نے بڑوں کو سبق دیا، بڑوں نے مجھے کہا یہ دیوانہ ہے، انتخاب نہیں جیت سکتا مگر میانوالی کے نوجوانوں اور بچوں نے میری حوصلہ افزائی کی اور آج تحریک انصاف پاکستان کی سب سے بڑی جماعت ہے۔عمران خان نے مزید کہا کہ میانوالی کے لوگوں کا سب سے بڑا مسئلہ پولیس ہے، میانوالی کے لوگوں پر جھوٹے مقدمات بنائے گئے، سوچتا تھا کہ موقع ملا تو سب سے پہلے پولیس کو ٹھیک کروں گا اور آج خیبر پختونخوا کی پولیس سب سے بہتر ہے، خیبر پختونخوا کے لوگوں کو پولیس پر اعتماد ہے، کے پی میں ایک سال میں 70 فیصد جرائم کم ہو گئے ہیں، اب موقع ملے گا تو پنجاب پولیس کو ٹھیک کر کے دکھاؤں گا، شہباز شریف وردیاں بدل کر پنجاب پولیس میں تبدیلی لایا، پولیس کی اچھی بھلی وردیاں تھیں، انہیں ڈاکیہ بنا دیا، ان کی ساری ڈویلپمنٹ اشتہاروں میں ہوتی ہے، اشتہاروں میں دونوں بھائیوں کی شکلیں ہوتی ہیں، ایک بھائی چلا گیا ہے، اب دوسرے کی باری ہے۔عمران خان نے کہا آپ سے وعدہ کرتا ہوں حکومت ملی تو غریبوں سے نہیں امیروں سے ٹیکس لیں گے، پاکستان میں موبائل فونز سے لے کر ڈیزل تک، ہر چیز میں غریب اور امیر پر ٹیکس برابر ہے۔ انہوں نے کہا کہ ہمیں اقتدار ملا تو تین کام کریں گے۔ ایف بی آر کو ٹھیک کریں گے، ایف بی آر میں موجود ناہلی اور 32 ارب کی کرپشن کو ختم کروں گا۔ نیب کو ٹھیک کریں گے۔ نیب کی نااہلی کی وجہ سے ہر سال 4 ہزار ارب روپیہ چوری ہوتا ہے، جسے بچائیں گے۔منی لانڈرنگ روکیں گے۔