مقبول خبریں
دی سنٹر آف ویلبینگ ، ٹریننگ اینڈ کلچر کے زیر اہتمام دماغی امراض سے آگاہی بارے ورکشاپ
پارٹی رہنما شعیب صدیقی کو پاکستان تحریک انصاف پنجاب کا سیکریٹری جنرل بننے پر مبارک باد
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
جس لڑکی نے خواب دکھائے وہ لڑکی نابینا تھی!!!!
پکچرگیلری
Advertisement
روہنگیا مسلمانوں کی مالی امداد کیلئے پاکستانی کمیونٹی سنٹر لانگ سائیڈ مانچسٹر میں تقریب کا انعقاد
مانچسٹر:برما میں روہنگیا مسلمانوں پر ڈھائے جانے والے وحشیانہ مظالم میں دوبارہ شدت آ گئی ہے،عورتوں،بچوں کو بھی اسکا نشانہ بنایا جا رہا ہے آئے روز عورتوں کی عصمت دری کے دلخراش واقعات رونما ہو رہے ہیں،انسانی حقوق کی عالمی تنظیموں،اقوام متحدہ اور عالمی طاقتوں اور امت مسلمہ کیلئے باعث تشویش اور لمحہ فکریہ ہے،مذہب کے نام پر مسلمانوں کی سر عام نسل کشی اور بین الاقوامی سطح پر واضع خاطر خواہ ٹھوس اقدامات اٹھا کر برما کی حکومت،فوج اور بدھ مت ملیشیا پر سفارتی دبائو نہ ڈالنا دوہرے معیار کو عیاں کرتی ہے،ان دکھ بھرے خیالات و جذبات کا اظہار راحیلہ احمد،رانا سمیع،بلال احمد،افتخار احمد،افضال خان،محسن غفور نے پاکستانی کمیونٹی سنٹر لانگ سائیڈ مانچسٹر میں روہنگیا کے مسلمانوں کی مالی امداد کیلئے رکھی گئی ایک تقریب کے دوران کیا،انہوں نے مزید کہا کہ بحیثیت انسان و مسلمان ہماری اولین اخلاقی ذمہ داری ہے کہ اپنے مظلوم بھائیوں،بہنوں،بچوں اور بزرگوں کی ہر طرح سے ممکن مدد کریں جنکا برما میں جینا اجیرن بن گیا تھا اور انہیں مجبوری کے عالم میں ہجرت کر کے بنگلہ دیش میں پناہ لینی پڑی اور اب مہاجرین کیمپ میں کسمپرسی کی زندگی گزار رہے ہیں الیکٹرانک میڈیا کے ذریعے انکی حالت زار دیکھی نہیں جا سکتی،انہوں نے کہا کہ مہذب معاشرے میں رہتے ہوئے ہماری اخلاقی ذمہ داری ہے کہ اپنے حلقہ کے ممبران پارلیمنٹ و کونسلر حضرات سے رابطہ کر کے انہیں اس بات پر قائل کریں کہ وہ برما میں مسلمانوں پر ہونے والے مظالم بارے عملی اقدامات اٹھائیں،انہوں نے کہا کہ ہمیں دل کھول کر عطیات دینے چاہئے،اس موقع پر مہندی،ملبوسات کے سٹال اورچند قیمتی اشیا کی نیلامی بھی کی گئی اور جمع شدہ رقم مسلم ایڈز کے حوالے کر کے برما تک پہنچائی جائے گی،بڑی تعداد میں مقامی کمیونٹی کے افراد نے شرکت کر کے روہنگیا مسلمانوں کے ساتھ اظہار یکجہتی کی اور دل کھول کر عطیات دیئے۔خصوصی رپورٹ:فیاض بشیر