مقبول خبریں
راچڈیل مساجد کونسل کی طرف سے مئیر کونسلر محمد زمان کی مئیر چیرٹیز کیلئے فنڈ ریزنگ ڈنر کا اہتمام
اوورسیز پاکستانیوں کے لئے خصوصی سیل بنایا جانا چاہئے: سلیم مانڈوی والا
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
وہ بے خبر تھا سمندر کی بے نیازی سے!!!!!
پکچرگیلری
Advertisement
حکومت طالبان سے مذاکرات والا ڈھونگ اب بند کرے اور عوامی ریلیف پر توجہ دے:راجہ مصدق
نوٹنگھم ... پاکستان تحریک انصا ف آزاد کشمیر برطانیہ کے مرکزی رہنما راجہ مصدق نے کہا ہے کہ پاکستانی قوم جھوٹے وعدوں اور طفل تسلیوں سے عاجز آچکی ہے۔ حکومت ان پر رحم کرے اور ریلیف کے کسی عملی قدم کی طرف بڑھے۔ ان خیالات کا اظہار انہوں نے آزاد کشمیر روانگی سے قبل ایئرپورٹ پر آئے احباب سے الوداعی ملاقات میں کیا۔ انہوں نے کہا کہ جاتی امراء کے مغل اعظم نوازشریف کی طرف سے طالبان کے ساتھ مذاکرات کامینڈیٹ چودھری نثارعلی خان کودینابذات خود ایک بھونڈامذاق ہے۔جوشخص اسلام آبادمیں گھس آنیوالے سکندرجتوئی کوہینڈل کرنے میں ناکام رہاوہ طالبان کے اعتماد اوراطمینان کیلئے کچھ نہیں کرسکتا۔حکومت نے تین ماہ میں تین ہزار بار یوٹرن لیا کیونکہ وزیراعظم نوازشریف کوبیرونی دباؤکاسامنا ہے اوروہ اپنااقتداربچانے کیلئے کسی بھی حدتک جاسکتے ہیں۔ وزیراعظم نوازشریف نے کئی بارکشکول توڑنے کادعویٰ کیا مگرحقیقت میں حکمرانوں اوربھکاریوں میں کوئی فرق نہیں رہا ۔ پی ٹی آئی کے رہنما نے مزید کہا کہ حکمرانوں نے قومی بحرانوں پرقابوپانے کیلئے سوچ بچار کرنے کی بجائے عوام کوزندہ درگورکردیا۔اسلامی جمہوریہ پاکستان کوزندہ انسانوں کاقبرستان بنادیا گیا ہے ۔انہوں نے کہا کہ پاکستان میں سرمایہ دارحکمرانوں کی ملی بھگت سے ضروریات زندگی کے نرخ روزانہ کی بنیاد پربڑھ رہے ہیں۔حکمران ڈالراورپاؤنڈمیں کاروبارکرتے ہیں اسلئے انہیں پاکستان کے روپے کی دن بدن گرتی قدرسے کوئی سروکار نہیں ۔انہوں نے کہا کہ سوئس بنک سمیت دنیا کے مختلف ملکوں کے بنکوں میں محفوظ حکمرانوں کاسرمایہ اورپاکستان کاقرض حالیہ سو دنوں میں کئی گنابڑھ گیا۔ملک کودیوالیہ ہونے سے بچانے کی بجائے حکمران اسے ڈبونے کے درپے ہیں۔