مقبول خبریں
ن لیگ برطانیہ و یورپ کا نواز شریف،مریم نواز اور کیپٹن صفدر کی سزائیں معطل ہونے پر اظہار تشکر
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
ہم دھوپ میں بادل کی، درختوں کی طرح ہیں!!!!!!!
پکچرگیلری
Advertisement
مقبوضہ کشمیر:بھارتی مظالم ،خاتون سمیت2شہید ‘60گرفتار،وادی میں مکمل ہڑتال
سرینگر :مقبوضہ کشمیر میں بھارتی مظالم جاری، خواتین کی چٹیا کاٹنے کا سلسلہ نہ رک سکا،حریت قیادت کی کال پر وادی میں مکمل ہڑتال ،جگہ جگہ مظاہرے ،خاتون سمیت2افراد شہید، کئی زخمی،60افراد کو گرفتار کر لیا گیا۔تفصیلات کے مطابق بھارتی فوجیوں نے ریاستی دہشت گردی کی تازہ کارروائی کے دوران ضلع کپواڑہ کے علاقے ہندواڑہ میں اننوان کے مقام پرگھر گھر تلاشی کے دوران ایک نوجوان کو شہید کردیا۔بھارتی فوج نے کادعویٰ ہے کہ شہید ہونے والا نوجوان مجاہد تھا۔پلوامہ کے علاقے ترال میں فائرنگ سے یاسمین نامی خاتون کو موت کے گھاٹ اتار دیا گیا،گولی لگنے سے دوسری خاتون روبی زخمی ہو گئی ۔احمد نگر صورہ ،نوپورہ بانڈی پورہ میں 2خواتین کی چوٹیاں کاٹنے کے علاوہ ایک کا جھمکا بھی اڑا لیا گیا ۔وادی میں خواتین کے بال کاٹنے کے خلاف احتجاجی مظاہرئے کئے گئے اس دوران مظاہرین اورفورسز کے درمیان شدید جھڑپیں بھی ہوئیں۔ کرالہ پورہ چاڈورہ میں احتجاجی مظاہرین پر فائرنگ سے 16سالہ نوجوان ارسلان شدید زخمی ہو گیا جبکہ بارہمولہ، سوپور اور کپواڑہ میں60 نوجوانوں کو گرفتار کر لیا گیا۔بھارتی فورسز نے دعویٰ کیا ہے کہ 3کشمیری مجاہدین کو راجستھان سے حراست میں لیا گیا ہے ۔جن میں سہیل ،عمر حسین اور واسد رشید شامل ہیں ۔تحریک آزادی کولگام کے رہنما 62سالہ محمد شعبان ڈار کو11ماہ بعد بھی رہائی نہ مل سکی ۔باپ کی اسیری کے باعث لڑکی عاطفہ تبسم کی شادی ملتوی کردی گئی ۔مزاحمتی قیادت کی اپیل پر وادی میں سول کرفیو رہا اور نظام زندگی تھم کر رہ گیا، کل جماعتی حریت کانفرنس کے چیئرمین سید علی گیلانی نے خواتین کی چوٹیاں کاٹنے کے بڑھتے ہوئے واقعات پر تشویش کاا ظہار کرتے ہوئے کہا ہے کہ یہ حربے ہمیں دبانے کے لیے استعمال کئے جارہے ہیں۔ہماری تحریک صداقت پر مبنی ہے جو ان ہتھکنڈوں نہیں دب سکتی۔