مقبول خبریں
راچڈیل، ساہیوال جیسے شہروں کے رشتے کو مثالی بنایا جائیگا: ممبر پنجاب اسمبلی ندیم کامران
پارٹی رہنما شعیب صدیقی کو پاکستان تحریک انصاف پنجاب کا سیکریٹری جنرل بننے پر مبارک باد
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
ہم نے سچ کو دیکھا ہے جھوٹ کے جھروکوں سے!!!!
پکچرگیلری
Advertisement
مقبوضہ کشمیر میں بھارتی جبرکیخلاف مکمل ہڑتال، زبردست احتجاجی مظاہرے
سرینگر:مقبوضہ کشمیر میں بھارتی جبرکیخلاف مکمل ہڑتال رہی،آزادی کے ہزاروں متوالے تمام ترپابندیاں توڑتے ہوئے سڑکوں پرآگئے اورزبردست احتجاجی مظاہرے کئے ،غاصب فورسزنے طاقت کاوحشیانہ استعمال کرتے ہوئے مزید35افرادزخمی کردئیے ۔کشمیرمیڈیاسروس کے مطابق ضلع پلوامہ میں بھارتی فوج کے ہاتھوں3بے گناہ نوجوانوں وسیم شاہ،نصیراحمداورگلزاراحمدمیرکی شہادت کیخلاف مختلف علاقوں میں مکمل ہڑتال کی گئی،تمام دکانیں،بازاراورکاروباری وتجارتی مراکزبندجبکہ سڑکوں پرٹریفک معطل رہی،ہزاروں افرادنے احتجاجی مظاہرے کئے اورریلیاں نکالیں،جن میں طلبہ،وکلا،بچوں اورخواتین نے بھی بھرپور شرکت کی،اس دوران فضائیں بھارتی قبضہ کیخلاف اورآزادی کے حق میں فلک شگاف نعروں سے گونجتی رہیں،بھارتی فورسزنے مظاہرین کومنتشرکرنے کیلئے بے دریغ آنسوگیس شیلنگ اورپیلٹ گن فائرنگ کی،جواب میں مظاہرین نے پتھراؤکیااورشدیدجھڑپیں کئی گھنٹے جاری رہیں تاہم فورسزکے تشدد سے 35سے زائدافرادزخمی ہوگئے جبکہ متعددکوگرفتاربھی کرلیاگیا۔دوسری جانب مقبوضہ وادی میں مزید2خواتین کی چٹیاکاٹنے کے واقعات سامنے آئے ،سرینگرکے علاقہ لال بازاربٹہ شاہ محلہ میں نامعلوم افرادنے گھرمیں گھس کرخاتون کی چٹیاکاٹی اورپھرزیورات لوٹ کرفرارہوگئے ،ادھرضلع بارہمولہ کے علاقہ بونیارمیں حفیظہ بیگم کی چٹیاکاٹ دی گئی،ان واقعات کیخلاف بھی احتجاجی مظاہرے ہوئے جن کیساتھ بھی وحشیانہ طاقت سے نمٹاگیا۔ خیال رہے کہ مقبوضہ ریاست میں گزشتہ ایک ماہ کے دوران چٹیاکاٹنے کے 100سے زائد واقعات پیش آچکے ہیں۔مزیدبرآں سیدعلی گیلانی،میرواعظ عمرفاروق اورمحمدیاسین ملک پرمشتمل مشترکہ مزاحمتی قیادت نے قابض فورسزکے ہاتھوں نہتے شہریوں کی شہادتوں کی شدیدمذمت کی۔بیان میں انکاکہناتھاکہ پوری کشمیری قوم پر یہ ذمہ داری ہے کہ شہدا مشن کو ہر صورت میں جاری وساری رکھا جائے ۔علاوہ ازیں لبریشن فرنٹ کے چیئرمین یاسین ملک سمیت8رہنماؤں کوکئی روزکی بلاجوازحراست کے بعدضمانت پررہاکردیاگیا۔