مقبول خبریں
جموں کشمیر نیشنل عوامی پارٹی برطانیہ برانچ کے زیرِ اہتمام فکر مقبول بٹ شہید ورکز یونیٹی کنونشن کا انعقاد
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
ہم دھوپ میں بادل کی، درختوں کی طرح ہیں!!!!!!!
پکچرگیلری
Advertisement
ڈاکٹر افضل جاوید ورلڈ سائیکائیٹرک ایسوسی ایشن (WAP) کے صدر منتخب
برمنگھم:پاکستان سے تعلق رکھنے والے ڈاکٹر افضل جاویددماغی اور نفسیاتی امراض کے ماہرین کی عالمی تنظیم ورلڈ سائیکائیٹریک ایسوسی ایشن (WAP) کے صدر منتخب ہوگئے ہیں۔ پہلی بارکوئی پاکستانی ماہر صحت کی اس عالمی تنظیم کے صدر منتخب ہوئے ہیں۔ قبل ازیں وہ اس عالمی تنظیم کے منتخب سیکریٹری بھی رہے ہیں۔ اس ایسوسی ایشن میں 138 ممالک سے 250000 دماغی امراض اور نفسیات کے شعبہ سے تعلق رکھنے والے لوگ رکن ہیں۔ ڈاکٹر افضل جاوید اس وقت برطانیہ میں مقیم ہیں اور کووینٹری اور واروکشائر میں این ایچ ایس میں کنسلٹنٹ نفسیاتی ماہر ہیں. وہ ورواکشائر یونیورسٹی، میڈیکل اسکول میں اعزازی کلینیکل ایسوسی ایٹ پروفیسر بھی ہیں۔ وہ نفسیاتی امراض کی بحالی کے عالمی ادارہ WAPR کے بھی صدر رہے ہیں۔.دماغی اور نفسیاتی ا مراض کے شعبہ میں انہوں نے وسیع تحقیق کی ہے اور ان کے ایک سو سے زائد تحقیقی مقالے عالمی جرائد میں شائع ہوچکے ہیں۔صحت کے اس شعبہ کے بارے میں ان کی چھ کتابیں بھی شائع ہوچکی ہیں۔ اس وقت وہ اہم دماغی عارضہ شائزوفرینا سے متعلق بہت سے منصوبوں کے بارے میں تحقیق سے وابستہ ہیں۔ وہ نفسیات اور دماغی امراض کی کئی عالمی پیشہ ور تنظیموں کے ساتھ وابستہ ہیں۔ وہ پاکستان سائیکائیٹرک ریسرچ سینٹر ، فاؤنٹین ہاؤس لاہور کے چیئرمین ہیں۔ یاد رہے کہ دماغی امراض کے مریضوں کی بحالی اور نگہداشت کا ادارہ فاؤنٹین ہاؤس لاہور ستر کی دہائی میں ان کے ماموں ڈاکٹر رشید چوہدری نے قائم کیا تھا جب کہ ابھی یورپ میں بھی فاؤنٹین ہاؤس کا کوئی تصور نہیں تھا۔ ڈاکٹر افضل جاوید اخوت فائونڈیشن پاکستان کے چیئرمین ڈاکٹر امجد ثاقب کے بڑے بھائی ہیں۔