مقبول خبریں
عبدالباسط ملک کے والدحاجی محمد بشیر مرحوم کی روح کے ایصال ثواب کیلئے دعائیہ تقریب
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
میاں جی کی لڑکیاں
پکچرگیلری
Advertisement
راچڈیل میں کبابش پیری پیری ریسٹورنٹ اینڈ ٹیک اوے کی برانچ کی افتتاحی تقریب
راچڈیل:برطانیہ بھر میں پچھلے پچیس سے تیس سالوں کے دوران ایشائی خصوصاً پاکستانی کھانوں کی مانگ میں بتدریج بے پناہ اضافہ ہوا ہے اس کی سب سے بڑی وجہ اس کاروبار سے منسلک حضرات نے نت نئے اور لذیذ کھانوں کو ایشیائی اور انگریز گاہکوں تک پہنچایا اور اسکا اعلیٰ معیار کھانوں کی مانگ میں اضافے کا باعث بنا کاروباری حضرات کی ذاتی دلچسپی اور کھانے کے معیار پر کڑی نظر رکھنا اور گاہکوں سے وقت کے ساتھ ساتھ انکی رائے لیتے رہنا اس انڈسٹری کی کامیابی کا باعث ہے،ان ملے جلے خیالات کا اظہار ممبرز برطانوی پارلیمنٹ افضل خان،فیصل رشید اور اوورسیز پاکستانیز فائونڈیشن بورڈ آف گورنرز کے ڈائریکٹر بیرسٹر امجد ملک نے راچڈیل میں کبابش پیری پیری ریسٹورنٹ اینڈ ٹیک اوے کی برانچ کی افتتاحی تقریب کے موقع پر کیا،انہوں نے مزید کہا کہ کبابش پیری پیری کے مالک وسیم چوہدری انتہائی محنتی،نیک نیت اورصاف گو شخصیت کے حامل ہیں انکی یہی خوبیاں کامیابی کا باعث ہیں کیونکہ انہوں نے کھانے کے اعلیٰ معیار پر کبھی سمجھوتا نہیں کیا اور ہمیشہ گاہکوں کی ترجیحات کے مطابق اس کاروبار کو چلایا ہے ہم توقع کرتے ہیں کہ ان کی یہ برانچ بھی اتنی ہی کامیاب ہو گی جتنی کہ مانچسٹر میں ہے ہم انکے لئے نیک تمنائوں کا اظہار کرتے ہیں اور دعا کرتے ہیں کہ وہ ہمیشہ ثابت قدمی سے کاروبار کے ساتھ ساتھ انسانیت کی خدمت کے جذبہ کو بھی ملحوظ خاطر رکھے گے،اس موقع پر وسیم چوہدری نے کہا کہ وہ راچڈیل و گرد و نواح کی عوام کے خدمت کیلئے ہمہ وقت حاضر ہیں اگر کوئی بھی شکایت ہو تو وہ بلا جھجک ان سے براہ راست رابطہ کر سکتے ہیں،میں تمام مہمانان گرامی کا دلی شکریہ ادا کرتا ہوں جنہوں نے آج افتتاحی تقریب میں شرکت کر کے عزت افزائی کی۔خصوصی رپورٹ:فیاض بشیر