مقبول خبریں
چوہدری سعید عبداللہ ،چوہدری انور،حاجی عبدالغفار کی جانب سے حاجی احسان الحق کے اعزاز میں عشائیہ
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
میاں جی کی لڑکیاں
پکچرگیلری
Advertisement
میاں نواز شریف کو 2018کے انتخابات میں حصہ لینے سے کوئی نہیں روک سکتا:عابد شیر علی
مانچسٹر:ہمارے قائد سابق وزیر اعظم اور پاکستان کی عوام کے دلوں پر راج کرنے والے میاں نواز شریف نے جب اقتدار سنبھالا تو ملک کو کئی مشکلات کا سامنا تھا ان کی سوچ و فکر اور سیاسی تدبر سے دہشت گردی،بجلی کے بحران پر قابو پانے،معیشت کی مضبوطی اور ملک میں ترقی کے منصوبہ جات کو یقینی بنایا گیا لیکن ایک سوچے سمجھے منصوبے کے تحت انہیں نا اہل قرار دے کر اقتدار سے علیحدہ کر دیا گیا اور جب وہ جی ٹی روڈ کے ذریعے لاہور کیلئے روانہ ہوئے تو عوام کا سمندر نکل آیا اور ثابت کیا کہ وہ ایک عوامی رہنما ہیں قوم میاں نواز شریف کے ساتھ ہے،عدالت عظمیٰ نے ماضی میں جعلی ڈگری کے حامل افراد سمیت جمشید دستی الکیشن لڑنے کی اجازت دی دوہرا نظام عدل نہیں ہونا چاہئے ہمارے قائد اس وقت برطانیہ میں اپنی اہلیہ کلثوم نواز کی وجہ سے رکے ہیں میں نے بھی ان کی عیادت کی ہے رب کے فضل و کرم سے وہ تیزی سے صحت یاب ہو رہی ہیں چند دنوں میں ان کے مزید ٹیسٹ ہوں گے اس کی رپورٹ آنے کے بعد میاں نواز شریف فی الفور پاکستان چلے جائیں گے،یہ باتیں وفاقی وزیر برائے پانی و بجلی عابد شیر علی نے مانچسٹر میں مسلم لیگ ن کی انتہائی متحرک خاتون راہنما عذرا قاضی کی رہائش گاہ پر میڈیا نمائدگان سے خصوصی بات چیت کرتے ہوئے کیں انہوں نے مزید کہا کہ لاہور کے ضمنی الیکشن کے نتائج کے بعد آٹے،دال کا بھائو معلوم ہو جائے گا2018کے عام انتخابات میں میاں نواز شریف کو الیکشن میں حصہ لینے سے کوئی نہیں روک سکتا اور وہ ایک مرتبہ پھر وزیر اعظم کے عہدے پر براجمان ہوں گے،تحریک انصاف کے راہنما شاہ محمود قریشی بارے انہوں نے کہا کہ وہ درباروں کی رقم لوٹنے والے جعلی شاہ ہیں اور زکوٰۃ کی رقم سے اپنے بچوں کو امریکہ میں تعلیم دلوائی،چوہدری نثار اور مریم نواز شریف بارے حالیہ جاری بیان بازی کئے گئے سوال بارے انہوں نے کہا مجھ سمیت تمام کارکنان کی منزل میاں نواز شریف ہی ہیں،بہن مریم نواز کو خراج تحسین پیش کرتا ہوں کہ انہوں نے سیاسی میدان میں محنت کر کے نمایاں مقام حاصل کیا ہے،بیگم کلثوم نواز نے مشکل ترین حالات اور دور میں جماعت کی رسی کو مضبوطی سے تھامے رکھا اور اس کی بھاگ ڈور سنبھالی جیل کاٹی جمہوریت کی بحالی کو یقینی بنانے کیلئے پورے خاندان کی قربانیاں لازوال ہیں کارکنان انہیں قدر کی نگاہ سے دیکھتے ہیں پاکستان میں کرکٹ کی بحالی ملک میں امن کی وجہ سے ممکن ہوئی، انہوں نے کہا کہ عذرا قاضی کی رہائش گاہ کو نقصان پہنچایا اور کھڑکیاں،دروازے توڑنا قابل مذمت فعل ہے برطانیہ کی پولیس اس بارے تفتیش کر رہی ہے جلد ہی ملزمان کا پتہ چل جائے گا جو بھی ہو قانون کے مطابق کارروائی کی جائے،انہوں نے کہا کہ پاکستان سے بہت جلد بجلی کی لوڈ شیڈنگ کا مکمل خاتمہ ہو جائے گا۔خصوصی رپورٹ:فیاض بشیر