مقبول خبریں
اوورسیز پاکستانیز فائونڈیشن کو فعال کردار ادا کرنے کیلئے عملی اقدامات اٹھا ئے ہیں:بیرسٹر امجد
بے نظیر بھٹو کو جمہوریت کے دشمنوں نے قتل کیا، برطانوی وزیر اعظم
تارک وطن بزرگوں نے محنت کا جو بیج بویا تھا آج اسکے ثمرات آنا شروع ہوگئے ہیں
خوشحالی شریفوں اور زرداریوں کیلئے نہیں غریبوں کیلئے ہونی چاہئے: عمران خان
مقبوضہ کشمیر میں بھارتی فورسز کی فائرنگ، مزید 2 نوجوان شہید
کونسلر وحید اکبر کا آزاد کشمیر کے جسٹس شیراز کیانی کے ا عزاز میں عشائیے کا اہتمام
برطانیہ کے ساحلی شہر سائوتھ ہیمپٹن میں ملی نغموں کی گونج، ڈپٹی میئر کی خصوصی شرکت
برما میں مسلمانوں کا قتل عام انسانی حقوق کی کھلم کھلا خلاف ورزی ہے:وہیپ اینڈریو
کرپٹ خان
پکچرگیلری
Advertisement
برطانیہ کے ساحلی شہر سائوتھ ہیمپٹن میں ملی نغموں کی گونج، ڈپٹی میئر کی خصوصی شرکت
سائوتھ ہمپٹن .... برطانیہ میں جشن آزادی پاکستان کی تقاریب کا سلسلہ جاری ہے۔ پاکستان ویلفیئر ایسوسی ایشن سائوتھ ہمپٹن کے زیر اہتمام پاکستان کی ستر ویں جشن آزادی کی شاندار تقریب کا انعقاد کیا گیا۔ تقریب میں خواتین اور بچوں نے یوم آزادی کے حوالے سے تقاریری مقابلہ میں حصہ لیا، ملی نغمے پیش کئے اور جشن آزادی کا کیک بھی کاٹا گیا۔ تقریب کا آغاز تلاوت کلام الٰہی کے بعد قومی ترانہ پیش کر کے کیا گیا۔ نقابت کے فرائض فیصل جاوید اور شکیل خان نے ادا کئے۔ تقریب میں خواتین اور بچوں کی کثیر تعداد سمیت ہر عمر کے افراد نے بھرپور شرکت کی اور جشن آزادی کی خوشیوں میں شریک ہوئے۔ سترویں جشن آزادی کی تقریب سے پاکستان ویلفیئر ایسوسی ایشن کے صدر چوہدری زیارت حسین نے اپنے خطاب میں پاکستان کی ترقی، خوشحالی اور امن کے لئے نیک خواہشات کا اظہار کرتے ہوئے کہا کہ پاکستان کی سلامتی اور استحکام کے لئے اوورسیز کمیونٹی کسی قربانی سے دریغ نہیں کریں گے، ہم پاکستان کے لئے نیک خواہشات رکھتے ہیں اور پاکستان میں امن کے خواہاں ہیں۔ اپنے اسلاف کی دی ہوئے قربانیوں کو رائیگاں نہیں جانے دیں گے۔ ان کا کہنا تھا کہ پاکستان ویلفیئر ایسوسی ایشن سائوتھ ہمپٹن میں تمام مقامی کمیونٹیز کے ساتھ بلا امتیاز خوشگوار تعلقات قائم کئے ہوئے سماجی خدمت کے کاموں میں مصروف ہیں اور اپنا مشن جاری رکھیں گے۔ تقریب میں ڈپٹی مئیر سائوتھ ہمپٹن سٹیون اینڈریو نے بھی شرکت کی اور اپنے خطاب میں سائوتھ ہمپٹن کے متعلق معلومات دیں اور پاکستانی کمیونٹی کو ستر ویں جشن آزادی کی مبارکباد پیش کی۔ جشن آزادی کی تقریب میں خواتین اور بچوں نے یوم آزادی کے حوالے سے تقاریر کیں اور ملی نغمے پیش کئے اور مختلف شعبہ جات میں اعلیٰ کارکردگی اور سماجی خدمات انجام دینے پر کمیونٹی اچیومنٹ ایوارڈ بھی دئیے گئے اور تقریب میں پاکستان کی سترہویں جشن آزادی کا کیک بھی کاٹا گیا۔ تقریب کے اختتام پر معروف قوال اظہر اور ساتھیوں نے قوالیاں پیش کر کے سماں باندھ دیا، نوجوان کافی دیر تک رقص اور دھمال ڈالتے رہے۔ (رپورٹ و تصاویر: عدیل خان)