مقبول خبریں
کاروباری شخصیات سید اسد علی ،احمد رضا کی مئیر کونسلر محمد زمان سے ملاقات،مختلف امور پر تبادلہ خیال
اوورسیز پاکستانیوں کے لئے خصوصی سیل بنایا جانا چاہئے: سلیم مانڈوی والا
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
وہ بے خبر تھا سمندر کی بے نیازی سے!!!!!
پکچرگیلری
Advertisement
ہائی کمیشن لندن میں تقریب، دہشت گردی کے خلاف پاکستان کے کردار کی بھرپور پذیرائی
لندن ... برطانیہ میں مقیم مایہ ناز بین الاقوامی شخصیات پاکستان کی آزادی کے 70 سال پورے ہونے پر پاکستان کے ہائی کمشنر سید ابن عباس کو مبارکباد دینے اور اس خوشی کو منانے کے لئے لندن کے پاکستان ہائی کمیشن میں تشریف لائیں۔ اس پروقار تقریب کا اہتمام اور سربراہی صدر یو آئی سی ایف (برطانیہ) شہزادہ حیات نے کی۔ تقریب کے مہمان خصوصی فیلڈ مارشل لارڈ چارلس گوتھری، سابق برٹش آرمی اینڈ ڈیفنس چیف اور موجودہ کمانڈر انچیف، ہر میجسٹیز ہائوس ہولڈ کیولری (کوئینز گارڈز) تھے۔ تقریب میں شرکت کرنے والوں میں چیف آف ڈیفنس پیپل برٹش آرمی لیفٹیننٹ جنرل رچرڈ نوگی، سلطنت اردن کے بریگیڈیئر جنرل اے اے آیاسراہ، ارجنٹائن کے سفیر کارلوس سرسیل، ہندورس کے سفیر ایوان رومیرو مارٹینیز، اسلامی جمہوریہ افغانستان کے سفیر جناب جواد، امریکی سفارتخانے کے پولیٹکل منسٹر زیکاری ہارکنرائیڈر، بھارت میں سابق ہائی کمشنر شاہد ملک، برطانیہ کے پہلے مسلم لارڈ نذیر احمد، برطانوی ارکان پارلیمنٹ اور امریکہ، مشرق وسطیٰ، چین اور افریقہ کے ملٹری اتاشی شامل تھے۔ یہ تقریب اس لحاظ سے منفرد اور بے مثال تھی کہ کمیونٹی کی طرف سے پاکستان ہائی کمیشن لندن میں ایک شاندار جشن کا اہتمام کیا گیا۔ پاکستانی ہائی کمشنر سید ابن عباس نے دنیا بھر کے ممالک کی نمائندگی کرنے والے ان بین الاقوامی وی آئی پیز کا پرتپاک انداز میں خیرمقدم کیا جنہوں نے برطانوی پاکستانی کمیونٹی کو برطانیہ اور پاکستان کے درمیان تعلقات کو فروغ دینے کے لئے ایک اہم اور لازمی کردار ادا کرنے پر شاندار خراج تحسین پیش کیا۔ پاکستانی ہائی کمشنر نے مزید کہا کہ پاکستان نے دہشت گردی اور انتہاپسندی کے خلاف بے پناہ قربانیاں دی ہیں جن کا دنیا اعتراف کر چکی ہے۔ برطانیہ کے فوجی جرنیلوں نے عالمی امن کے لئے پاکستان آرمی کے کردار کو بھرپور خراج تحسین پیش کیا۔ جنرل رچرڈ نوگی نے زور دے کر کہا کہ دہشت گردی کے قلع قمع کے لئے پاکستانی مسلح افواج کی کوششوں اور غیرمعمولی قربانیوں کو اعلیٰ ترین سطح پر سراہنا ضروری ہے۔ (رپورٹ و تصاویر: اکرم عابد)