مقبول خبریں
یوم عاشور کے حوالہ سے نگینہ جامع مسجد اولڈہم میں روح پرور،ایمان افروز محفل کا اہتمام
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
میاں جی کی لڑکیاں
پکچرگیلری
Advertisement
عائشہ سید کو فلپائن میں غریب افراد کیلئے خدمات پر ’’سلطنت آف بویان‘‘ ایوارڈ سے نوازا گیا
مانچسٹر:دنیا میں انسان کو جس کام کرنے میں ذہنی،جسمانی و اخلاقی سکون ملتا ہے وہ دکھی انسانیت کا جذبہ ہے اور ہمارے معاشرے میں اب مردوں کے ساتھ ساتھ خواتین بھی اس کام میں بڑھ چڑھ کر حصہ لے رہی ہیں اس کی زندہ مثال عائشہ سید کی ہے جو1975سے برطانیہ میں رہائش پذیر ہیں،انہوں نے بزنس میں گریجوایشن کرنے کے ساتھ ساتھ یورپ کے مختلف ممالک سوئٹزرلینڈ،اٹلی،لندن سے مختلف کورسز مکمل کئے،پرائی مس وکٹوریہ میں بحیثیت مینجر،امریکن ایئر لائن میں عوامی رابطہ آفیسر،رائل کورٹ آف جسٹس لندن میں ترجمان کف حیثیت سے نمایاں خدمات سر انجام دینے کے ساتھ ساتھ ’’مجلس ادب و آداب ‘‘ بارے فری لانس کنسلٹنٹ بھی ہیں،میڈیا نمائندگان سے خصوصی بات چیت کرتے ہوئے کہا کہ وہ پچھلے چند برسوں سے پاکستان میں بینائی سے محروم افراد کی چیریٹیHUF،ہیومن اپیل یوکے،WPAبرطانیہ کے ساتھ ساتھ برما،سیریا،عراق اور فلپائن میں غریب،نادار و بے سہارا افراد کیلئے کام کرنے والے خیراتی اداروں کے لئے رضا کارانہ خدمت سر انجام دے رہی ہیں،برطانیہ میں فلپائن کے سفیر ڈاکٹر شوکت خان جو کہ اب فارن افیئرز سلطان کی ذمہ داریاں بھی نبھا رہے ہیں اور فلپائن میں بسنے والے غریب مسلمانوں کیلئے ہمہ وقت کام کرتے رہتے ہیں کہ ساتھ مل کر مختلف چیریٹی کے ذریعے چندہ مہم میں بھرپور حصہ لیا اور انکی مالی،اخلاقی مدد کی،انہوں نے مزید کہا کہ دکھی انسانیت کی خدمت کے جذبہ کو فلپائن کے حکمرانوں نے قدر کی نگاہ سے دیکھا اور ملکہ سلگکی نے خصوصی دعوت دیتے ہوئے ’’سلطنت آف بویان‘‘ ایوارڈ سے نوازا جو میرے لئے بہت ہی بڑے اعزاز کی بات ہے میں اس ایوارڈ کی عزت اور احترام کو ملحوظ خاطر رکھتے ہوئے بے سہارا افراد کیلئے کام کرتی رہوں گی اور برطانیہ کے علاوہ دیگر یورپین ممالک میں بسنے والے کاروباری حضرات کو باور کرواتے ہوئے انکی حوصلہ افزائی کروں گی کہ وہ فلپائن جا کر کاروبار کریں کیونکہ وہاں پر زمین بہت زرخیر ہونے کے ساتھ ساتھ سیر و تفریح،پاکستانی کھانوں کی کمی کی وجہ سے ریسٹورنٹ کے کاروبار میں سنہری مواقع میسر ہیں،میری زندگی کا مشن ہے کہ وہاں کے لوگوں کے لئے روزگار کے مواقع پیدا کروں تاکہ وہ خیراتی امداد پر انحصار کرنے کے بجائے محنت مزدوری کر کے عزت سے زندگی بسر کر سکیں۔خصوصی رپورٹ:فیاض بشیر