مقبول خبریں
برطانوی حکومت مسئلہ کشمیر کے حل کے لئے اپنا اثر و رسوخ استعمال کرے:ایم پی جیوڈتھ کمنز
کشمیر انسانی حقوق کی پامالیوں کا گڑھ ،اقوام عالم نوٹس لے، بھارت پر دبائو بڑھائے: فاروق حیدر
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سید حسین شہید سرور کا سابق پراسیکیوٹر ایڈوکیٹ جنرل ریاض نوید و دیگر کے اعزاز میں عشائیہ
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
پاکستانی نوجوان پوری دنیا میں اپنی قابلیت کا لوہا منوارہے ہیں: سابق میئر چوہدری لیاقت علی
لندن :بیرون ملک مقیم تارکین وطن پاکستان کے شہریوں نے عالمی سطح پر وطن عزیز کا نام روشن کیا جو پاکستان کے مستقل سفیر کے طورپر شب روز مصروف رہتے ہیں۔ پاکستان کی نوجوان نسل پوری دنیا میں اپنی قابلیت کا لوہا منوارہے ہیں۔ ان خیالات کا اظہار والتھم فارسٹ بارو کے سابق میئر کونسلر چوہدری لیاقت علی اور مسلم برٹش فرینڈز آف لیبر کے چیئرمین چوہدری شوکت علی کی جانب سے والتھم فارسٹ کے وسیع و عریض ٹاؤن ہال اور سبزہ زار میں پاکستان کے 70ویں یوم آزادی کے موقع پر منعقدہ ایک پرچم کشائی کی منعقدہ تقریب سے پاکستان ہائی کمیشن لندن کے فرسٹ سیکرٹری ویلفیئر اتاشی عمار ملک نے بطور مہمان اپنے خطاب میں کیا۔ انہوں نے کہا کہ پاکستان کے شہریوں نے عالمی سطح پر وطن عزیز کا نام روشن کیا، خاص کر پاکستانی نوجوان نسل دنیا میں خوب ترقی کر رہی ہے۔ کونسلر لیاقت علی نے بتایا کہ وہ گزشتہ دس سالوں سے یوم پاکستان پر پرچم کشائی تقریب کا اہتمام کر رہے ہیں اور لندن میں یہ ایک واحد ٹاؤن سینٹر ہے جہاں لوکل اتھارٹی کی اجازت سے جشن آزادی کے موقع پر سبز ہلالی پرچم لہرایا جاتا ہے۔ تقریب میں نہ صرف پاکستانی خواتین، بچے، بوڑھے، نوجوان نسل شرکت کرتی ہے بلکہ ٹاؤن ہال کے کونسلرز افسران بھی ہماری خوشی میں شرکت کرتے ہیں۔ ٹاؤن ہال والتھم فاریسٹ کی میئر لیڈی کونسلر یمی شو نے خطاب کرتے ہوئے کہا کہ مجھے خوشی ہے کہ پاکستان کے لوگ اپنے تہوار جوش و جذبے سے مناتے ہیں۔ تقریب سے خطاب کرنے والوں میں چوہدری شوکت، زیڈ یو خان، بیرسٹر شہزادہ حیات شامل تھی جبکہ سرکردہ کمیونٹی لیڈر کونسلر مہر خان، کونسلر محمد صادق، کشمیر کمیٹی کے راجہ سکندر خان، کونسلر ناہید، سمیرا خان، نجمہ شاہین و دیگر بچے بوڑھے اور نوجوانوں کی کثیر تعداد جن میں خواتین بھی شامل تھیں۔ اس بارو کے سابق میئر و کونسلر ندیم علی جو گزشتہ مہینوں وفات پاگئے وہ والتھم فاریسٹ ٹاؤن ہان میں جشن آزادی کی اس تقریب کے میزبان ہوتے تھے۔ ان کی مغفرت و ایصال ثواب کے لئے دعا بھی مانگی گئی بعد میں یوم آزادی کا کیک بھی کاٹا گیا۔