مقبول خبریں
چیئرمین کشمیر کمیٹی سید فخر امام سے راجہ نجابت اورحریت رہنماء عبدالحمیدلون کی ملاقات
کرالے میں اوورسیزپاکستانیوں کی میٹنگ،مختلف طبقہ ہائے فکر کے افراد کی شرکت
دعوت اسلامی برمنگھم کے زیر اہتمام خراب موسم کے باوجودجشن عید میلاد النبیؐ کا جلوس
برطانوی شاہی جوڑے کی پاکستان میں زبردست پذیرائی، وزیر اعظم اور صدر مملکت سے ملاقاتیں
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سردار عتیق کی قیادت میں جدوجہد آزادی پایہ تکمیل تک پہنچائیں گے:رہنما ایم سی
پارک ویو کمیونٹی سنٹر شہیر واٹر میں ہمنوا یو کے کے زیرِ اہتمام یوم آزادی پاکستان تقریب کا انعقاد
مقبوضہ کشمیرمظالم:عالمی طاقتوں، اقوام متحدہ کو کردار ادا کرنا ہو گا : ڈاکٹر سجاد کریم
بلقیس بانو زندہ کیوں؟؟؟؟؟
پکچرگیلری
Advertisement
عوام نے اپنے قائد نوازشریف کا فقیدالمثال اور تاریخی استقبال کیا:وزیراعلیٰ شہباز شریف
لاہور: وزیراعلیٰ پنجاب شہباز شریف نے کہا ہے عوام نے اپنے قائد نوازشریف کا فقیدالمثال اور تاریخی استقبال کیا اور عوام کی والہانہ محبت ہی ان کا قیمتی اثاثہ ہے ،تاریخی استقبال اس بات کا بین ثبوت ہے کہ نوازشریف ملک کےقبول ترین لیڈر اور ن لیگ ہردلعزیز جماعت ہے ۔ گزشتہ روز اپنے بیان میں وزیراعلیٰ نے مزید کہا کہ عوام کل بھی نواز شریف کیساتھ تھے اور آج بھی ان کیساتھ ہیں، عوام جھوٹ کی سیاست سے نفرت جبکہ سچی و مخلص قیادت سے دلی لگاؤ رکھتے ہیں ، نواز شریف نے ملک کے دفاع کو نا قابل تسخیر بنایا اور ان کے دور میں تیز رفتار ترقی کیلئے کئی پراجیکٹ مکمل کئے گئے ہیں ، اربوں کھربوں روپے کے منصوبوں میں کوئی بھی ایک دھیلے کی کرپشن کا الزام نہیں لگا سکتا ، انہوں نے موٹرویز سمیت بڑے پراجیکٹ دیئے جنہیں ریکارڈ مدت میں مکمل کیا گیا ۔ توانائی کے بحران پر قابو پانے کیلئے اقدامات تاریخی اہمیت رکھتے ہیں ، نواز شریف عوام کی والہانہ محبت اور اعتماد کی وجہ سے 3 بار وزیراعظم بنے ، قوم ہمیشہ یاد رکھے گی ۔ انکا کہنا تھا نوازشریف کے ترقی کے وژن پر مزید تیزی سے آگے بڑھیں گے اور آخری سانس تک ملک کی خوشحالی اور عوام کی ترقی کیلئے کام کرتے رہیں گے اور پاکستان کو ترقی کی بلندیوں تک لے جانے کیلئے راستے میں کوئی رکاوٹ حائل نہیں ہونے دینگے ۔انہوں نے کہا نیازی صاحب نے ہر موقع پرووٹ کے تقدس کو پامال کرنے کی کوشش کی، عوام نے تبدیلی کے دعویدار کے اصل چہرے کو دیکھ لیا ہے ۔ دریں اثنا شہبازشریف کی زیر صدارت اجلاس منعقد ہوا ،جس میں 70ویں یوم آزادی کو شایان شان طریقے سے منانے کے حوالے سے تقریبات اور انتظامات کا جائزہ لیا گیا۔وزیراعلیٰ نے خطاب کرتے ہوئے کہا آزادی ایک بہت بڑی نعمت ہے اور زندہ قومیں اپنا یوم آزادی بھرپور طریقے سے مناتی ہیں، 70ویں یوم آزادی کوبھرپور انداز سے منایا جائے گااورتحریک پاکستان کے ہیروز کو زبردست خراج عقیدت پیش کیا جائے گا ،تقریبات کے ساتھ عمارتوں کو منفرد انداز سے روشن کیا جائے گا ۔