مقبول خبریں
عبدالباسط ملک کے والدحاجی محمد بشیر مرحوم کی روح کے ایصال ثواب کیلئے دعائیہ تقریب
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
میاں جی کی لڑکیاں
پکچرگیلری
Advertisement
مقبوضہ کشمیر میں ظلم و تشدد،حکومت پاکستان اورکشمیری قیادت سرد مہری کا شکار :ڈاکٹر مسفر
برنلے:مقبوضہ کشمیر میں نہتے لوگوں کو تشدد کا نشانہ بنانا انسانی بنیادی حقوق کی کھلم کھلا خلاف ورزی اور تحریک آزادی کشمیر کو کچلنے کی ناکام کوشش بھارت کو منہ کی کھانا پڑے گی،سب سے بڑی ستم ظریفی یہ ہے کہ حکومت پاکستان اور کشمیری قیادت اس بارے میں بالکل سرد مہری کا شکار ہے صرف بیان بازی اور خانہ پری کی حد تک عوام کی آنکھوں میں دھول ڈالنے کیلئے محض بیان جاری کر دیا جاتا ہے حالانکہ جس طرح بھارتی سکیورٹی ادارے بین الاقوامی انسانی حقوق کے قوانین کی خلاف ورزی کی مرتکب ہیں کہ بارے عالمی سطح پر اگر موثر طریقے سے یہ معاملہ اٹھایا جاتا تو اب تک بھارت پر سفارتی دبائو پڑھ چکا ہوتا اور نہتے کشمیریوں پر جو ظلم کے پہاڑ ڈھائے جا رہے ہیں بند ہو چکے ہوتے،ہمارے لئے یہ لمحہ فکریہ ہے،ان خیالات کا اظہار جموں و کشمیر لبریشن لیگ برطانیہ و یورپ کے کنوینئر و صدر ڈاکٹر مسفر حسن نے میڈیا کو دیئے گئے اپنے ایک بیان میں کیا،انہوں نے مزید کہا کہ برطانیہ میں ہونے والے حالیہ وسط مدتی عام انتخابات میں بے شمار ممبران پارلیمنٹ ایسے منتخب ہوئے ہیں جو کشمیر دوست ہیں اور چند کا تعلق کشمیر سے ہے ہم سب کی ملی ذمہ داری ہے کہ مسئلہ کشمیر اور مقبوضہ کشمیر میں جاری آزادی کی تحریک کو پایہ تکمیل تک پہنچانے کیلئے اپنا کردار ادا کریں اور ایسا تب ہی ممکن ہے جب ہم عملی اقدامات اٹھائیں تاکہ صرف ذات کے پرچار کیلئے اس پلیٹ فارم کا سہارا لیں،انہوں نے امید ظاہر کی نئے منتخب ارکان پارلیمنٹ کشمیر بارے اپنے واضع و ٹھوس موقف کے ذریعے ایوان کے اور باہر بھرپور کردار ادا کرنے میں تمام تر وسائل کو بروئے کار لائیں گے لبریشن لیگ برطانیہ اس سلسلے میں بھرپور تعاون کیلئے تیار ہے۔خصوصی رپورٹ:فیاض بشیر