مقبول خبریں
جموں کشمیر نیشنل عوامی پارٹی برطانیہ برانچ کے زیرِ اہتمام فکر مقبول بٹ شہید ورکز یونیٹی کنونشن کا انعقاد
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
ہم دھوپ میں بادل کی، درختوں کی طرح ہیں!!!!!!!
پکچرگیلری
Advertisement
اب بھارت کشمیریوں کو مزید غلامی کی زنجیر میں جھکڑ نہیں سکتا:ڈاکٹر مسفر حسن
برنلے:مقبوضہ کشمیر میں بھارتی جارحیت انتہا کی بلندیوں کو چھو رہی ہے،رمضان المبارک کے آغاز پر ایک سوچی سمجھی گھنائونی سازش کے تحت کشمیری نوجوانوں کو شہید کر دیا اور انسانیت سوز کارروائیوں کی نئی تاریخ رقم کر دی ایسے میں عالم اقوام،پاکستان کی حکومت،اقوام متحدہ اور انسانی حقوق کی علمبردار تنظیموں کی طرف سے سرد مہری اور دوہرے معیار کی پالیسی تکلیف دہ ہے،کشمیریوں کو پیدائشی حق خود ارادیت کی پاداش میں سزا دی جا رہی ہے اور اس سے زیادہ ستم ظریفی یہ ہے کہ بجائے ہم وسائل سے مالا مال کشمیری اس کے خلاف ٹھوس اور جاندار بنیادوں پر ایک ایسا لائحہ عمل مرتب کریں اور آواز اٹھائیں جو دنیا بھر کا ضمیر جھنجوڑ کر اسے جگانے کا کام کرے اپنی ذات کا پرچار کرنے کیلئے ہمہ تن مصروف عمل ہیں جو کہ ہم سب کے لئے لمحہ فکریہ ہے،ان خیالات کا اظہار جموں و کشمیر لبریشن لیگ برطانیہ و یورپ کے کنوینئر و صدر ڈاکٹر مسفر حسن نے مقبوضہ کشمیر کی موجودہ انتہائی کشیدہ صورتحال کے پیش نظر میڈیا سے بات چیت کے دوران کیا،انہوں نے مزید کہا کہ دنیا بھر میں مفادات کی خاطر رسی کشی کا کھیل شروع ہے اگر سنجیدگی سے تمام معاملات کو حل نہ کیا گیا تو بد امنی مزید پھیلنے کا خدشہ موجود ہے انتہائی ضروری ہے کہ کشمیریوں کو حق خود ارادیت دیا جائے اور بھارتی سرکار پر دبائو ڈالا جائے کہ مقبوضہ کشمیر میں جاری وحشیانہ انسانیت سوز کارروائیاں فی الفور بند کی جائیں اب بھارت کشمیریوں کو مزید غلامی کی زنجیر میں جھکڑ نہیں سکتا اسکا فوری حل بھارت کے مفاد میں ہے۔خصوصی رپورٹ:فیاض بشیر