مقبول خبریں
یو کے اسلامک مشن یوتھ ونگ لیڈز کی طرف سے عید ملن پارٹی :مسلم و نو مسلم کمیونٹیز کی شرکت
پیغام پاکستان فتویٰ دہشت گردی کیخلاف متفقہ قومی بیانیہ کا کردار ادا کرسکتا ہے: قاری صداقت علی
پیٹر برا کے سابق لارڈ میئر محمد ایوب کا پاک سر زمین پارٹی میں شمولیت کا اعلان
چیئرمین تحریک انصاف عمران خان بھی کروڑوں روپے کے اثاثوں کے مالک
محبوبہ مفتی کی حکومت ختم، صدر رام ناتھ کووند نے گورنر راج نافذ کر دیا
شیر خدا نے نبی پاک کی آواز پر لبیک کہہ کر اسلام سے محبت اور وفا کی عمدہ مثال قائم کی
پیپلزپارٹی ہی آئندہ انتخابات میں چاروں صوبوں میں اکثریت حاصل کریگی:میاں سلیم
جموں کشمیر تحریک حق خودارادیت کا نو منتخب کونسلروں میڈیا نمائندگان کے اعزاز میں افطار ڈنر
دشمنوں کے درمیان ایک کتاب
پکچرگیلری
Advertisement
پی آئی اے کی فلائٹ سے ہیروئن برآمد،نواز شریف از خود نوٹس لیں: راجہ مقصود کاکڑوی
اولڈہم:پاکستان انٹر نیشنل ایئر لائن کا عملہ پچھلے کچھ عرصہ سے یورپ،برطانیہ و دیگر ممالک میں ممنوعہ اشیا لیکر آنے اور پاکستان لیکر جانے کی منفی سرگرمیوں میں ملوث ہے جو بیرون ممالک بسنے والے پاکستانیوں و کشمیری کمیونٹی کے لئے باعث ندامت ہے مادر وطن کا نام بدنام کرنے میں کوئی کسر باقی نہیں چھوڑ رہے ہیں،پی آئی اے کے تمام ملازمین بشمول فضائی عملے کے انکی باقاعدگی اور تسلسل کے ساتھ ٹریننگ وقت کا تقاضا ہے،لندن ہیتھرو ایئر پورٹ پر پی آئی اے کی فلائٹ کی مکمل تلاشی کے بعد ہیروئن برآمد ہونا انتظامیہ کی کارکردگی پر سوالیہ نشان ہے وزیر اعظم پاکستان میاں نواز شریف اس واقعہ کا از خود نوٹس لیں اور بلا خوف کسی سفارش کو خاطر میں نہ لاتے ہوئے جو بھی اس گھنائونے کاروبار میں ملوث ہیں انکے خلاف سخت تادیبی کارروائی فی الفور عمل میں لائی جائے،یہ باتیں آزاد کشمیر مسلم لیگ ن برطانیہ کے سینئر نائب صدر ’’ نواز شریف لوورز ‘‘ کے اہم راہنما راجہ مقصود حسین کاکڑوی نے میڈیا سے اس افسوسناک واقعہ کے بعد غم و غصے کے عالم میں کیا،انہوں نے مزید کہا کہ پچھلے کچھ عرصہ سے قومی ایئر لائن بے شمار مسائل سے دو چار ہے اسے صحیح سمت میں لانے کیلئے انقلابی اقدامات کی اشد ضرورت ہے جب تک سخت اقدامات نہیں اٹھائیں جائیں گے ایسے واقعات معمول کا حصہ بنتے رہیں گے،ہمارا مطالبہ ہے کہ قومی ایئر لائن کو اقرا پروری،قبضہ مافیا اور ذاتی پسند نا پسند سے پاک کر کے ایک مرتبہ پھر دنیا کی بہترین ایئر لائن بنانے میں تمام تر انتہائی اقدامات اٹھائے جائیں ہم تعاون کے لئے تیار ہیں۔خصوصی رپورٹ:فیاض بشیر