مقبول خبریں
بھارتی فوج کی فائرنگ سے شہید ہونیوالے بچے کا خون رائیگاں نہیں جائیگا:مسلم لیگی راہنما
برطانیہ میں اپنی صلاحیتیں منوانے کے جتنے مواقع ہیں کسی اور ملک میں نہیں: رحمان چشتی و دیگر
پاکستان میں فٹبال کے فروغ کیلئے انٹرنیشنل سوکا فیڈریشن کا قیام، ٹرنک والا فیملی کو خراج تحسین
وزارتِ عظمیٰ کے بعد نواز شریف مسلم لیگ ن کی صدارت سے بھی فارغ
بھارتی ریاستی دہشتگردی کیخلاف مقبوضہ کشمیر میں ہڑتال، تعلیمی ادارے بند
کشمیر میں جاری انسانی حقوق کی پامالیوں کو رکوانے کے سلسلہ میں پروگرام کا انعقاد
اوورسیز پاکستانیز ویلفیر کونسل کے زیراہتمام یوم یکجہتی کشمیر پر کار ریلی کا انعقاد
راجہ نجابت اور ان کی ٹیم کامسئلہ کشمیرپر متحرک کردار قابل ستائش ہے: سٹوورٹ اینڈریو
عمران خان مارگریٹ اور میں
پکچرگیلری
Advertisement
پاکستان میں تقریباً بیس لاکھ نابینامیں سے پندرہ لاکھ کاعلاج ممکن ہے:میاں منظور احمد
مانچسٹر:پاکستان میں تقریباً بیس لاکھ سے زائد نابینا ہیں ان میں سے تقریباً پندرہ لاکھ ان مریضوں کی ہے جنکا علاج ممکن ہے کیونکہ وہ صرف موتیے کی بیماری میں مبتلا ہوتے ہیں اور بہت ہی کم خرچے سے علاج ممکن ہے لیکن غربت کی انتہا ہونے کی بنیادی وجہ سے وہ اپنا علاج معالجہ کرانے سے قاصر ہیں،نابینا افراد کا اثر پورے خاندان پر پڑتا ہے کیونکہ وہی واحد کفیل ہوتے ہیں،خداوند کریم کی بے شمار نعمتوں میں سے بینائی کی نعمت عظیم ترین ہے،SIGHT FOR LIFEچیریٹی کا آغاز اسی نیک مقصد کو ذہن میں رکھتے ہوئے خدمت مخلوق خدا کیلئے شروع کیا اور اس کا مرکز پاکستان کے دیہی علاقوں میں رکھا تاکہ انتہائی غریب و نادار افراد کی بینائی واپس لائی جا سکے ہم پچھلے دس سالوں سے یہ کام سر انجام دے رہے ہیں جو کہ آنکھوں کے معائنہ،آپریشن اور دیگر علاج معالجہ کے خاص طریقوں پر مبنی ہیں چار لاکھ سے زائد افراد کا معائنہ اور تقریباً28000 سے زائد کا آپریشن کیا جا چکا ہے لوگوں کے دیئے گئے عطیات کا سو فیصد اس نیک مقصد کیلئے خرچ کیا جاتا ہے،یہ باتیں SIGHT FOR LIFEچیریٹی آرگنائزنگ کے صدر میاں منظور احمد نے مقامی ہال میں دس سال مکمل ہونے پر رکھی گئی ایک چیریٹی ڈنر کی تقریب کے موقع پر حاضرین سے مخاطب ہوتے ہوئے کیں،انہوں نے مزید کہا کہ اس نیک مقصد کے لئے کو کو منڈی بورے والا پاکستان میں جنت عزیز فری آئی ہسپتال کام کر رہا ہے جو کہ ساٹھ بستروں پر مشتمل ہے جن میں30سرجری کے لئے جبکہ اتنے ہی عام مریضوں کیلئے مختص ہیں،انفیکشن سے بچائو کیلئے جدید ترین مشینری موجود ہے اور صفائی کا عالمی معیار اپنایا گیا ہے،گلاسگو سے ڈاکٹر محمد انوار الحق نے ہسپتال کو مزید وسعت دینے کیلئے مفت زمین عطیہ دیا،اس چیریٹی ڈنر کی نظامت میاں نعیم رضا نے سر انجام دی،تلاوت کلام پاک کا شرف حافظ محمد اکرام کو نصیب ہوا جبکہ نعت رسول مبقول کا ہدیہ قاری منظوراحمد شاکر نے پیش کیاخاس چیریٹی ڈنر میں موجود خواتین و حضرات نے دل کھول کر انسانیت کی خدمت کے جذبہ کا اظہار کرتے ہوئے عطیات دیئے اور تقریباً5لاکھ سے زائد پونڈز کی کثیر رقم جمع ہوئی،تمام مکتبہ فکر کے احباب نے بھرپور شرکت کی۔خصوصی رپورٹ:فیاض بشیر