مقبول خبریں
بھارتی فوج کی فائرنگ سے شہید ہونیوالے بچے کا خون رائیگاں نہیں جائیگا:مسلم لیگی راہنما
برطانیہ میں اپنی صلاحیتیں منوانے کے جتنے مواقع ہیں کسی اور ملک میں نہیں: رحمان چشتی و دیگر
پاکستان میں فٹبال کے فروغ کیلئے انٹرنیشنل سوکا فیڈریشن کا قیام، ٹرنک والا فیملی کو خراج تحسین
وزارتِ عظمیٰ کے بعد نواز شریف مسلم لیگ ن کی صدارت سے بھی فارغ
بھارتی ریاستی دہشتگردی کیخلاف مقبوضہ کشمیر میں ہڑتال، تعلیمی ادارے بند
کشمیر میں جاری انسانی حقوق کی پامالیوں کو رکوانے کے سلسلہ میں پروگرام کا انعقاد
اوورسیز پاکستانیز ویلفیر کونسل کے زیراہتمام یوم یکجہتی کشمیر پر کار ریلی کا انعقاد
راجہ نجابت اور ان کی ٹیم کامسئلہ کشمیرپر متحرک کردار قابل ستائش ہے: سٹوورٹ اینڈریو
عمران خان مارگریٹ اور میں
پکچرگیلری
Advertisement
نیشنل ڈیفنس یونیورسٹی کے وفد کی پاکستان ہائی کمیشن لندن آمد، قائمقام ہائی کمشنر کا خیر مقدم
لندن :برطانیہ کے مطالعاتی دورے پر آئے ہوئے نیشنل ڈیفنس یونیورسٹی اسلام آباد کے اساتذہ اور کورس شرکاء کے ایک گروپ نے پاکستان ہائی کمیشن لندن کا دورہ کیا۔ قائمقام ہائی کمشنر زاہد حفیظ چودھری نے وفد کا خیرمقدم کیا اور انہیں برطانیہ کی سماجی و معاشی صورتحال کے علاوہ یہاں رونما ہونے والے سیاسی واقعات پر بریفنگ دی۔ انہوں نے وفد کے ارکان کو پاکستان اور برطانیہ کے دوطرفہ تعلقات کے مختلف پہلوئوں اور بریگزٹ کے بعد کی صورتحال اور پاکستان کے لئے اس سے پیدا ہونے والے مواقع کے بارے میں آگاہ کیا۔ انہوں نے شرکاء کو بتایا کہ انہانسڈ سٹریٹجک ڈائیلاگ کے تحت دوطرفہ تعلقات کو باقاعدہ ادارے کی شکل مل گئی ہے اور یہ مزید بہتری کی طرف جا رہے ہیں۔ موجودہ دور میں سفارت کاری کے بدلتے ہوئے محرکین پر اظہار خیال کرتے ہوئے انہوں نے شرکاء کو مشن کی سرگرمیوں اور ذمہ داریوں کے بارے میں آگاہ کیا۔ بریفنگ سوال وجواب کے سیشن کے ساتھ ختم ہوئی۔ بعد ازاں وفد کے اعزاز میں عشائیہ دیا گیا۔ وفد کے دورے کے پروگرام میں کئی طرح کی سرگرمیاں شامل ہیں جن میں وزارت دفاع، رائل کالج آف ڈیفنس سٹڈیز (آر سی ڈی ایس)، پارلیمنٹ کے ایوانوں، کنگز کالج لندن، میٹ پولیس ہیڈکوارٹرز، فارن اینڈ کامن ویلتھ آفس (ایف سی او) اور انٹرنیشنل انسٹی ٹیوٹ آف سٹریٹجک سٹڈیز (آئی آئی ایس ایس) میں بریفنگز شامل ہیں۔ انہوں نے پورٹسمائوتھ ہاربر اور پارلیمنٹ کے ایوانوں کا دورہ بھی کیا۔