مقبول خبریں
تارکین وطن کی فلاح و بہبود وزیر اعظم نواز شریف کی اولین ترجیح ہے:بیرسٹر امجد ملک
پاکستان ہائی کمیشن لندن میں معروف شاعر، کالم نگار عطاء الحق قاسمی کیساتھ یادگار شام
پاکستانی عوام نے 14مئی کے ملین مارچ کے حق میں فیصلہ دے دیا :پی ایس پی برطانیہ
عام آدمی پر کوئی نیا ٹیکس نہیں لگایا، کوئی چیز مہنگی نہیں کی:وزیرخزانہ اسحاق ڈار
مقبوضہ کشمیر: قابض فوج کی فائرنگ، برہان وانی کے ساتھی سمیت 12 نوجوان شہید
سید حسین شہیدسرورکا سیکرٹری تعلیم آزادکشمیرسیدشاہد محی الدین قادری کے اعزازمیں عشائیہ
آکسفورڈ:پاکستانی کمیونٹی کی جمیلہ آزاد اور ثوبیہ آفریدی لیبرپارٹی کے ٹکٹ پر کامیاب
کشمیر مہم: تحریک حق خود ارادیت یورپ نے پارلیمانی امیدواروں سے دستخط لینے شروع کر دیئے
اپنی آنکھیں کھول کے رکھنا طغیانی کے موسم میں
پکچرگیلری
Advertisement
برٹش پاکستانی میڈیا کا فرض ہےکہ دنیا کو پاکستان کا سافٹ امیج دکھائے :قائمقام ہائی کمشنرزاہد حفیظ
لندن: وطن عزیز پاکستان کی ستر سالہ سالگرہ تقریبات کو برطانیہ میں تاریخ کا حصہ بنانے کیلئے برٹش پاکستانی صحافیوں کے نمائندہ پلیٹ فارم پاکستان پریس کلب یوکے کے وفد کی قائمقام ہائی کمشنر زاہد حفیظ چوہدری سے ملاقات، یوم آزادی سے قبل اور بعد میں ہونے والی تقریبات میں پاکستان کے سافٹ امیج کو بھرپور طور پر سپورٹ کرنے کا عہد۔ تفصیلات کے مطابق پاکستان پریس کلب یوکے کے ایک وفد نے جس میں سابق صدر مبین چوہدری، سیکریٹری جنرل عطاالحق، نائب صدر اکرم عابد، جوائنٹ سیکریٹری مسرت اقبال، انفارمیشن سیکریٹری چوہدری نوید سجاد کے علاوہ ممبران مجلس عاملہ افضل چوہدری، عدیل خان، نثار گلشن اور ملک اسد علی شامل تھے، ہائی کمشنر کو اپنی تمام تر حمائت و تائید کا یقین دلایا۔ قائمقام پاکستان ہائی کمشنر زاہد چوہدری نے پریس کلب کے وفد کو خوش آمدید کہتے ہوئے پاکستان کے ستر سالہ جشن آزادی تقریبات کے حوالے سے تفصیلات فراہم کیں انکا کہنا تھا کہ اس سلسلے کا سب سے بڑا پروگرام بارہ اگست کو ٹرافالگر سکوائر میں ہوگا جہاں پاکستان کی نامور شخصیات اور آرٹسٹوں کو بھی مدعو کیا جارہا ہے، اس کے علاوہ لنکاسٹر ہائوس میں پہلی بار پاکستانی ملبوسات پر مبنی فیشن شو ہورہا ہے۔ انکا کہنا تھا کہ برطانیہ میں آباد لوگ اپنے وطن سے بڑے گہرے رشتوں سے جڑے ہوئے ہیں انہیں قدم قدم پر جشن آزادی کے پروگراموں میں شرکت کا موقع فراہم کیا جائے گا۔ زاہد حفیظ چوہدری کا کہنا تھا کہ پاکستانی میڈیا کا یہ دوہرا فرض ہے کہ دنیا میں نام بناتے اور معاشی طور پر ترقی کرتے پاکستان کا سافٹ امیج دنیا کو دکھایا جائے اس سے ناصرف اقوام عالم کا بلکہ اوورسیز میں رہائش پذیر پاکستان کی نسل نو کا بھی اعتماد بحال ہوگا۔