مقبول خبریں
جموں کشمیر نیشنل عوامی پارٹی برطانیہ برانچ کے زیرِ اہتمام فکر مقبول بٹ شہید ورکز یونیٹی کنونشن کا انعقاد
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
ہم دھوپ میں بادل کی، درختوں کی طرح ہیں!!!!!!!
پکچرگیلری
Advertisement
مواقع دستیاب ہوں تو قوم پوری جرأت اوراعتماد سے آگے بڑھ سکتی ہے: ڈاکٹر امجد ثاقب
برمنگھم ... ہنر مند غربا کو چھوٹے قرضے فراہم کرکے انہیں پیروں پر کھڑا کرنے کے سفر پر تیزی سے گامزن پاکستانی این جی او "اخوت" کے زیر اہتمام ایک تقریب ہوئی جس کے مہمان خصوصی تنظیم کے چیئرمین ڈاکٹر امجد ثاقب تھے۔اس موقع پر اپنے کام کے حوالے سے آگاہی دیتے ہوئے ان کہنا تھا کہ پاکستان کے محنت کش اورغریب لوگوں کو مواقع اور سہولیات دستیاب ہوں تو یہی پاکستانی قوم دنیاکی جدید ‘طاقتور اور ترقی یافتہ قوم بن سکتی ہے۔ ڈاکٹر امجد ثاقب نے کہاکہ اللہ کے فضل و کرم اور پاکستان کے غیور محب وطن لوگوں کے تعاون سے ہمارے ادارے نے پاکستان میں وہ کام کر دکھایا ہے وہ وقت دور نہیں جب ہم اپنی مدد آپ اور اپنے دین میں موجود اعلیٰ ترین اقدار اور احکامات کی روشنی میں پاکستان میں کروڑوں لوگوں کو روزگار ‘عزت نفس اور قومی اعتماد مہیا کریں گے اور پاکستان نہ صرف پاکستان کے عوام اور اسلامی ملکوں کے عوام بلکہ پوری دنیا کے لوگوں کے لئے ایک مثالی اور قابل رشک ملک بنے گا۔انہوں نے کہاکہ 10سال قبل ایک غریب خاتون کو ہم نے 10ہزار روپے قرض دیا ‘اس خاتون نے سلائی مشین خریدی‘ دن رات کام کیا اپنے بچوں کو اسکول میں داخل کروایا ۔اپنے بچوں کا علاج بھی کروایا اور پھر 10ہزار روپے کا قرض حسنہ بھی واپس کیا۔آج یہ خاتون ایک کامیاب اور پر اعتماد خاتون ہیں اور اپنے پاوٴں پر کھڑی ہو کر اب دوسروں کی بھی مدد کر رہی ہیں ۔انہوں نے کہاکہ ایسے ایک اور واقعے میں ہمارے ایک ہم وطن نے قرض حسنہ لے کر اپنا کام شروع کیا وہ بھی بہت جلد کامیابی کے ساتھ آگے بڑھے اور انہوں نے بھی قرض واپس کر دیا ۔انہوں نے کہاکہ آپ یہ بات پورے یقین کے ساتھ سمجھ لیں کہ پاکستانی قوم وہ قوم ہے جو شدید ترین مشکلات اور آزمائشوں کے باوجود اپنے دین اپنے کردار اور دیانت داری پر قائم و دائم ہے ۔اگر ہمارے ملک کے لوگوں کو بروقت مدد اور مواقع دستیاب ہوں تو ہماری قوم پوری جرأت اعتماد اور شاندار قومی اور ملی جذبے سے آگے بڑھ سکتی ہے۔ تقریب میں ڈاکٹر رشید بھٹی ‘چوہدری اظہر محمود ‘ڈاکٹر جعفر قریشی ‘ڈاکٹر حسن جاوید ‘ڈاکٹر مسعود بٹ ‘پی آئی اے کے سلطان میر ‘ڈاکٹر ظہور احمد ‘شیراز احمد خان اور دیگر نے ”اخوت“ کی خدمات اور بانی ڈاکٹر امجد ثاقب کی خدمات کو شاندار الفاظ میں سراہا۔ بعد ازاں ڈاکٹر امجد نے پریکٹیکل ایکشن نامی تنظیم کے ہیڈ کوارٹر کا بھی دورہ کیا اور انتظامیہ کو ترقی پزیر ممالک میں اپنے مختلف مائکرو فنانسنگ منصوبوں بارے آگاہی دی جس پر پریکٹیکل ایکشن کی انتظامیہ نے انکا شکریہ ادا کیا۔