مقبول خبریں
ن لیگ برطانیہ و یورپ کا نواز شریف،مریم نواز اور کیپٹن صفدر کی سزائیں معطل ہونے پر اظہار تشکر
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
ہم دھوپ میں بادل کی، درختوں کی طرح ہیں!!!!!!!
پکچرگیلری
Advertisement
مقبوضہ کشمیر میںبھارتی فوجی گاڑی کی کارکو ٹکر سےنوجوان شہید،مظاہرے اور جھڑپیں
سری نگر:مقبوضہ کشمیر میں ایک اور کشمیر ی نوجوان بھارتی فوج کی بربریت کی بھینٹ چڑھ گیا،سری نگر میں بھارتی فوج کی ایک گاڑی نے جان بوجھ کار کو ٹکر ماردی جس سے نوجوان کرکٹر شہید ہوگیا اورایک نوجوان زخمی ہوا۔اس واقعہ کے بعد ہزاروں افراد سڑکوں پرنکل آگئے اور بھارت کیخلاف نعرے بازی کی ،بھارتی فورسز نے مظاہرین کومنتشر کرنے کیلئے طاقت کا اندھا دھند استعمال کیا ،مظاہرین نے مزاحمت کی اور کئی مقامات پر جھڑپیں ہوئیں ،اس دوران بیسیوں شہری زخمی ہوگئے ۔دوسری طرف حریت رہنماؤں کیساتھ ساتھ سکھ رہنماؤں نے بھی آج ہونیوالے ضمنی انتخابات کے بائیکاٹ کرنے کی اپیل کردی ۔تفصیلات کے مطابق سری نگر کے علاقے برین نشاط میں بھارتی فوج کی ایک تیز رفتار گاڑی نے ایک کار کو ٹکر ماردی جس کے نتیجے میں محمد اشرف نامی شخص شہید ہوگیا جبکہ اس کا ساتھی ارشد احمد شدید زخمی ہوا۔محمد اشرف ریاستی سطح پر کرکٹر کے کھیل میں جاناپہنچانا نام ہے ، اس سے قبل بھارتی فوج نے 2کرکٹرز اور تائیکوانڈو کے ابھرتے کھلاڑی کو بھی شہید کردیاتھا۔خبر پھیلتے ہی سری نگر کے لوگ مشتعل ہوئے اور انہوں نے زبردست مظاہرے کئے اور بھارت کیخلاف نعرے لگائے ، مشتعل ہجوم نے بھارتی فورسز کی ایک گاڑی نذرآتش کی اورپتھرائو شروع کر دیا ،جس پر بھارتی فوج نے انہیں منتشر کرنے فائرنگ ،لاٹھی چارج ،پیلٹ گن اور آنسو گیس کا اندھادھند استعمال کیا ،اس دوران شدید جھڑپیں ہوئیں اوربیسیوں افراد زخمی ہوگئے ۔دوسری جانب ریاست میں جاری شدیدبارشوں کاسلسلہ تھم گیا جبکہ کوکرناگ سے ایک شہری اوربٹالک سیکٹرسے برفانی تودے تلے دب کرہلاک ہونیوالے 3 فوجیوں کی لاشیں برآمدہوئی ہیں جس کے بعدبارشوں سے پیش آنیوالے واقعات میں ہلاکتوں کی تعداد8 آگئی ہے ۔مقبوضہ کشمیر میں سکھ انٹی لیکچول سرکل( ایس آئی سی)نے سکھ برادری سے اپیل کی ہے کہ وہ9اور 12اپریل کو مقبوضہ علاقے کے وسطی اور جنوبی اضلاع میں ہونیوالے بھارتی پارلیمنٹ کے نام نہاد ضمنی انتخابات کا مکمل بائیکاٹ کریں۔ کشمیر ایس آئی سی کے چیئرمین نریندر سنگھ خالصہ نے سرینگر میں نیوز کانفرنس سے خطاب کرتے ہوئے کہا کہ فراڈ انتخابات کا مکمل بائیکاٹ شہدا اور بھارتی جبر وا ستبداد کا شکار تمام کشمیریوں کو شاندار خراج عقیدت ہو گا۔ کل جماعتی حریت کانفرنس کاکہناہے کہ قابض انتظامیہ نے انتخابی ڈرامے کے انعقاد کے لیے جموں و کشمیر کوایک فوجی چھاؤنی میں تبدیل کردیا ہے ، چھاپوں اور گرفتاریوں کا سلسلہ جاری ہے اور بھارتی فورسز لوگوں کوانتخابی ڈرامے میں شرکت پر مجبور کرنے کے لیے دباؤ بڑھا رہی ہیں۔