مقبول خبریں
سیریا ریلیف کی چیئر پرسن ڈاکٹر شمیلہ کی طرف سے چیرٹی بر نچ کا اہتمام ، کمیونٹی خواتین کی شرکت
مسئلہ کشمیر بارےیورپی پارلیمنٹ انتخابات پر برطانیہ و یورپ میں بھرپور لابی مہم چلائینگے،راجہ نجابت
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
سرچ آپریشن
پکچرگیلری
Advertisement
عید کے دوسرے روزبھارتی فوج کی بلااشتعال فائرنگ ایل او سی پر پاکستانی رینجرز اہلکار شہید
سری نگر ... بھارتی مقبوضہ کشمیر میں تعینات فوجیوں نے عید کے دوسرے روز بلااشتعال فائرنگ میں پاکستان رینجرز کا اہلکار شہید کردیا ہے۔ اطلاعات کے مطابق بھارت کی بارڈر سکیورٹی فورس بی ایس ایف کی کھرکولا چوکی سے چھپرار سیکٹر میں ’’بلا اشتعال‘‘ فائرنگ کی گئی جس کی زد میں پاکستان کی نیم فوجی سکیورٹی فورس کا اہلکار آیا۔ یہ واقعہ پاکستان کے شمال مشرقی شہر سیالکوٹ کے قریب ورکنگ باؤنڈری پر پیش آیا۔ بھارتی سکیورٹی فورسز کے ایک افسر نے دعویٰ کیا ہے کہ بی ایس ایف کے اہلکاروں نے پاکستان کی جانب سے کی گئی فائرنگ کے جواب میں کارروائی کی۔ ورکنگ باؤنڈری پر یہ واقعہ ایسے وقت پیش آیا جب کشمیر کو دو حصوں میں منقسم کرنے والی عارضی سرحد یعنی لائن آف کنٹرول پر تعینات بھارتی اور پاکستانی افواج کے درمیان متواتر جھڑپوں کا سلسلہ اگست کے اوائل سے جاری ہے۔ لائن آف کنٹرول پر جاری کشیدگی کے دوران پاکستانی کشمیر میں فوج کے اہلکاروں کے علاوہ متعدد شہری بھی سرحد پار سے کی گئی فائرنگ اور گولہ باری کی زد میں آ کر ہلاک ہو چکے ہیں۔ پاکستان فوج کے سربراہ جنرل اشفاق پرویز کیانی نے بھارتی الزامات خصوصاً عسکری قیادت کے بیانات کو گزشتہ ہفتے ’’افسوس ناک، بے بنیاد اور اشتعال انگیز‘‘ قرار دیتے ہوئے مسترد کیا اور بھارت پر زور دیا کہ وہ ان واقعات کی دوطرفہ تحقیقات یا اقوامِ متحدہ کے تحت آزادانہ چھان بین کی پاکستانی پیش کش کا مثبت جواب دے۔