مقبول خبریں
مقبوضہ کشمیر کےعوام کو بھارتی چنگل سےنجات دلانے کیلئے برطانوی حکومت کردار ادا کرے:راجہ نجابت
ڈیبی ابراھم کی قیادت میں ممبران پارلیمنٹ اور کمیونٹی رہنماؤں کی لارڈ طارق احمد سے ملاقات
جموں کشمیر تحریک حق خود ارادیت برطانیہ و یورپ میں کانفرنسز اورسیمینارز منعقد کریگی : راجہ نجابت
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سید حسین شہید سرور کی وزیراعظم آزاد کشمیر راجہ فاروق حیدر اور شاہ غلام قادر سے ملاقات
پارک ویو کمیونٹی سنٹر شہیر واٹر میں ہمنوا یو کے کے زیرِ اہتمام یوم آزادی پاکستان تقریب کا انعقاد
راجہ نجابت حسین کا مسئلہ کشمیر پر بحث میں حصہ لینے پر ارکان یورپی پارلیمنٹ کو خراج تحسین
جب ریت پہ لکھو گے محبت کی کہانی!!!!!!!!!
پکچرگیلری
Advertisement
بھارتی فوج کی مظاہرین پر فائرنگ،جعلی مقابلہ،15سالہ لڑکے سمیت3کشمیری شہید
سرینگر :مقبوضہ کشمیرمیں بھارتی فوجیوں نے ضلع پلوامہ کے گائوں پدگام پورہ میں مظاہرین پر فائرنگ اور جعلی مقابلے میں ایک پندرہ سالہ لڑکے سمیت تین کشمیری نوجوانوں کو شہید کردیا۔ کشمیرمیڈیاسروس کے مطابق مقامی لوگوں کا کہنا ہے کہ دونوجوانوں جہانگیر احمدگنائی اور محمد شفاعت شیر کو علاقے میں ایک جعلی مقابلے کے دوران شہید کیاگیا جبکہ 15 سالہ لڑکا عامر نذیر مظاہرین پر فائرنگ کے دوران شہید ہوا۔ واقعے کے مطابق لوگوں کوجیسے ہی معلوم ہوا کہ بھارتی فوجیوں نے علاقے میں ایک مکان کا محاصرہ کر رکھا ہے تو انہوں نے مکان کی طرف مارچ کیا اورنوجوانوں کو بچانے کیلئے فوجیوں پرپتھرائو شروع کر دیا ۔ قابض فوج نے مظاہرین کیخلاف گولیوں، آنسو گیس اور پیلٹ گن کا بے دریغ استعمال کیا جس سے پندرہ سالہ لڑکا عامرنذیر شہید ہو گیا اورمتعدد افراد زخمی ہوئے ۔ بعدازاں ہزاروں لوگوں نے عامرنذیر کی نماز جنازہ میں شرکت کرتے ہوئے آزادی کے حق میں اور بھارت کے خلاف نعرے بلند کئے اور شہید لڑکے کی میت کو پاکستانی پرچم میں لپیٹ کر دفنایاگیا۔ کل جماعتی حریت کانفرنس کے رہنمائوں نے بھارتی ظلم و بربریت کی شدید مذمت کی جبکہ سید علی گیلانی نے جنازے کے شرکا سے ٹیلی فون کے ذریعے خطاب کیا ۔آج مقبوضہ وادی میں ہڑتال کی کال دی گئی ہے ۔ادھر بھارتی پولیس کی طرف سے ضلع پلوامہ کے علاقے رینی پورہ میں گرفتار کئے گئے نوجوانو ں کے اہلخانہ نے تھانے کے باہر احتجاجی مظاہرہ کیا۔دوسری جانب ضلع پونچھ میں ایک بھارتی فوجی کی گولیوں سے چھلنی لاش برآمد ہوئی ہے ۔ کشمیر میڈیاسروس کے مطابق بھارتی فوج نے تحقیقات شروع کر دی ہیں کہ آیا فوجی نے خود کشی کی یا پھر اسے گولیاں ماری گئیں۔