مقبول خبریں
راچڈیل مساجد کونسل کی طرف سے مئیر کونسلر محمد زمان کی مئیر چیرٹیز کیلئے فنڈ ریزنگ ڈنر کا اہتمام
اوورسیز پاکستانیوں کے لئے خصوصی سیل بنایا جانا چاہئے: سلیم مانڈوی والا
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
وہ بے خبر تھا سمندر کی بے نیازی سے!!!!!
پکچرگیلری
Advertisement
سر جیرالڈ کاضمین کے حلقہ سے خالی نشست پر مسلمان کا انتخاب بہتر اقدام ہو گا: امجد حسین مغل
مانچسٹر : گزشتہ دنوں مانچسٹر کے علاقہ گورٹین سے برطانوی پارلیمنٹ کے بابائے ایوان سر جیرالڈ کاضمین کے انتقال کے بعد اب اس حلقہ سے لیبر پارٹی نے ضمنی انتخابات کیلئے اپنے امیدوار کا چنائو کرنا ہے ایک لمبے عرصہ کے بعد ایشیائی خصوصاً پاکستانی و کشمیری کمیونٹی کیلئے ایک سنہری موقع ہے کہ وہ ایسی حکمت عملی اپنائیں جس سے اس خالی نشست پر کسی مسلمان کا انتخاب ممکن ہو سکے اور یہ موجودہ حالات و واقعات کے تناظر میں وقت کا اہم ترین تقاضا ہے۔ ان خیالات کا اظہار مشہور و معروف سیاسی ، سماجی و کاروباری شخصیت امجد حسین مغل نے میڈیا سے بات چیت کے موقع پر کیا ۔ انہوں نے مزید کہا کہ ہم ہمیشہ ہی اتحاد و اتفاق کی بات کرتے ہیں اور موقف اختیار کرتے ہیں کہ اگر اپنے مسائل کو بہتر انداز سے حکام بالا تک ٹھوس بنیادوں پر اٹھانے کیلئے اپنے مزید نمائندگان کو برطانوی پارلیمنٹ تک پہنچانا چاہئے لیکن جب بھی کوئی سنہری موقع میسر آتا ہے تو پھر ذاتی عناد ، پسند نا پسند کے پیمانے کو اپنا کر ضائع کر دیتے ہیں ۔ انہوں نے کہا کہ وہ ذاتی طور پر یہ سمجھتے ہیں کہ اگر اس حلقہ سے تمام با اثر افراد سنجیدگی سے کسی ایشیائی کا انتخاب چاہتے ہیں تو متفقہ طور پر ایک غیر جانبدار کمیٹی تشکیل دی جائے جو تمام پہلوئوں کا جائزہ لیکر کسی ایک امیدوار کا متفقہ انتخاب عمل میں لائے اگر ایسا نہ کیا گیا تو پھر بعد میں پچھتانے کا کوئی فائدہ نہیں ہے ۔ انہوں نے کہا کہ اس بارے فی الفور اقدامات اٹھانے کی اشد ضرورت ہے ہم اس سلسلے میں ہر طرح کی مدد و معاونت کیلئے تیار ہیں شرط یہ ہے کہ خلوص نیت سے اس کام کو کیا جائے اس موقع کو ہاتھ سے ضائع ہر گز نہیں ہونے دینا چاہئے ۔ خصوصی رپورٹ:فیاض بشیر