مقبول خبریں
پاکستان میں صاف پانی کی سہولت کو ممکن بنانے کیلئے مختلف منصوبوں پر کام کرونگی:زارہ دین
پیپلزپارٹی کے رہنما ندیم اصغر کائرہ کی پریس کانفرنس ،صحافیوں کے سوالات کے جوابات دیئے
واجد خان ایم ای پی کا آزاد کشمیر سے آئے حریت کانفرنس کے رہنمائوں کے اعزاز میں عشائیہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سید حسین شہید سرور کا سابق پراسیکیوٹر ایڈوکیٹ جنرل ریاض نوید و دیگر کے اعزاز میں عشائیہ
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
جموں و کشمیر تحریک حق خود ارادیت انٹر نیشنل کے زیر اہتمام پہلی کشمیر کلچرل نمائش کا اہتمام
دسمبر بے رحم اتنا نہیں تھا!!!!!!!!!!!!!
پکچرگیلری
Advertisement
اوورسیز پاکستانی مضبوط اور خوشحال پاکستان کےلئے میاں نواز شریف کے ہاتھ مضبوط کریں: ایاز صادق
برمنگھم ... برطانیہ کے دورے پر آئے پاکستان کی قومی اسمبلی کے سپیکر ایاز صادق نے کہا ہےکہ پاکستان کے عوام نے ملک کو آگے لے جانے کے لیے ہمیشہ جمہوری فیصلوں کی توثیق کی ہے اور صرف جمہوری اداروں اور جماعتوں کو اختیار دیا ہے کہ وہ ملک کے نظام کو چلائیں۔انہوں نے کہا کہ مجھے خوشی ہے کہ بیرون ملک آباد پاکستانی جو یہاں برطانیہ کے ایک جمہوری اور مضبوط سیاسی نظام میں رہ کر نہ صرف برطانیہ میں ایک موثر اور قابل تحسین کردار ادا کررہے ہیں۔انہوں نے برطانیہ یورپ اور دیگر بیرون ملک پاکستانیوں پر زور دیا کہ وہ میاں محمد نواز شریف کے ہاتھ مضبوط کریں اور ایک بار پھر پاکستان کو اُس منزل کی جانب رواں کریں جو پاکستان کی اصل اور درست منزل ہے اور جس کا خواب ہمارے قومی قائدین بابائے قوم اور حکیم الامت نے دیکھا تھا۔ انہوں نے کہا کہ عمران ہمیشہ بطور دوست میرا اچھا دوست رہا ہے۔ وہ ایک اچھا کرکٹر اور سپورٹس مین ضرور ہے۔ لیکن میرے خیال میں اسے معلوم ہونا چاہیے تھا کہ سیاست اور کھیل کود میں بڑا فرق ہے۔ یہاں انسانوں کا احترام اور ان کی عزت نفس کا خیال رکھنا پڑتا ہے۔ ان خیالات کا اظہار انہوں نے برمنگھم کی معروف کاروباری شخصیت مقبول خان کی جانب سے اپنے اعزاز میں منعقدہ استقبالیہ سے خطاب کرتے ہوئے کیا۔ ایاز صادق نے کہا اکستان اپنے مقاصد، استحکام، ترقی، خوشحالی اور روشن مستقبل کی جانب گامزن ہے اور حکومت ایک مضبوط جمہوری نظام کے ساتھ عوام کو درپیش تمام مسائل کو حل کرنے اور پاکستان کو مضبوط جمہوری ملک بنانے کی ہر ممکن کوشش کررہی ہے۔ اوورسیز پاکستانیوں کو درپیش مسائل، ویزاسروس،پاکستان میں ایمی گریش پولیس کسٹم اور دیگر اداروں کی کرپشن اور لوٹ مار کا نوٹس لیتے ہوئے انہوں نے ے کہا کہ اس سلسلے میں ایک مکمل اور جامع رپورٹ بنا کر مجھے روانہ کریں میں انشااللہ اس سلسلے میں پہلی فرصت میں وزیراعظم سے بات کروں گا ۔ سنٹرل ماسک کے چیئرمین ڈاکٹر محمد نسیم نے تقریب کا آغاز تلاوت کلام مجید سے کیا میزبان میاں مقبول احمد خان نے مہمان خصوصی کا خیر مقدم کیا اور ان کی قومی خدمات کا ذکر کرتے ہوئے انہیں ایک مثال اور باکر کردار سیاست دان قرار دیا۔ تقریب کی نظامت پروفیسر محمد رضا نے کی جبکہ خواجہ محمد شفیق نے سپیکر کو برطانیہ میں مقیم پاکستانیوں کے مسائل اور مشکلات سے آگاہ کیا۔ اس موقع پر قونصلر جنرل برمنگھم شیر بہادر خان، چوہدری محمد رشید، محمد ثاقب وارث بوبی، راجہ جاوید خان، چوہدری عبدالمجید، چوہدری علی شان، چوہدری غلام عباس، کونسلر سید شفیق شاہ، سید نزیر حسن شاہ،حاجی چوہدری اکبر، چوہدری محمد منیر، حاجی چوہدری محمد محبوب، چوہدری فضل احمد، محمد یونس، ظہور احمد، پرویز اختر چوہدری، ظہیر احمد رمض احمد حبیب احمد کونسلر حبیب الرحمن، کونسلر رشیدد(جے پی) چوہدری محمد اسلم وسن، چوہدری محمد زر، محمد بوٹا شیدائی نشان کشمیر اور دیگر معروف شخصیات موجود تھیں۔