مقبول خبریں
ن لیگ برطانیہ و یورپ کا نواز شریف،مریم نواز اور کیپٹن صفدر کی سزائیں معطل ہونے پر اظہار تشکر
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
ہم دھوپ میں بادل کی، درختوں کی طرح ہیں!!!!!!!
پکچرگیلری
Advertisement
مقبوضہ کشمیر:بھارتی پولیس کے کیمپ پر حملہ،عوام نے محاصرہ کرنے والی فوج کو بھگا دیا
سری نگر:مقبوضہ کشمیر کے ضلع پلوامہ کے گاؤں ترال کے نواح میں سنٹرل ریزروپولیس فورس کے کیمپ پر گرنیڈسے حملہ کیاگیااوربعدازاں فائرنگ کی گئی ،ضلع پلوامہ ہی کے گاؤں وار ورن میں عوام نے سڑکوں پر آکر بھارتی فوج کو بھاگنے پر مجبور کردیا،اننت ناگ میں بھارتی فوج نے احتجاج کرنیوالوں پر تشددکرکے بیسیوں افراد کو زخمی کردیا۔تفصیلات کے مطابق ضلع پلوامہ کے گاؤں ترال کے نواحی علاقے نوڈال میںسنٹرل ریزروپولیس فورس کے کیمپ پر گرنیڈ حملہ اورفائرنگ کی گئی ۔پولیس کاکہناہے کہ حملہ کرنیوالے نوجوان کا نام غلام محمد غنی ہے اوروہ ترال کا رہائشی ہے ،اسے گرفتار کرکے اس کے قبضے سے گرنیڈ اور پستول بھی برآمد کرلیاگیاہے ،حملے میں کوئی جانی نقصان نہیں ہواتاہم کیمپ کو نقصان پہنچاہے ۔ بھارتی فوج نے گزشتہ روز ضلع پلوامہ کے قصبے وار ورن کامحاصرہ کرکے گھر گھر تلاشی کا آغاز کیا توسینکڑوں کی تعداد میں مردوزن ، بوڑھے اور بچے گھروں سے باہر آکر احتجاج کرنے لگے اور انہوں نے فورسز کو تلاشی لینے سے روک دیا۔اسی دوران مقامی مساجد کے لائوڈ سپیکروں پر نعرے بازی کی گئی اور لوگوں سے گھروں سے باہر آنے کی اپیل کی گئی اور دیکھتے ہی دیکھتے نیوہ ، نامن بارہ بل اور کا کہ پورہ سے لوگوں کا ہجوم موقع پر پہنچ گیا۔ فوج نے جب انہیں منتشر کرنے کی کوشش کی تو لوگ مشتعل ہوگئے اور انہوں نے بیک وقت کئی اطراف سے فورسز پر زبردست پتھرائو شروع کیا،فوج نے لاٹھی چارج کیااور آنسو گیس کے گولے پھینکے تاہم اہلکار مزاحمت کا سامنانہ کرتے ہوئے بھاگنے پرمجبورہوگئے ۔جنوبی کشمیر کے اننت ناگ قصبے اور اس کے ملحقہ علاقوں میں میر واعظ جنوبی کشمیر قاضی یاسرکی گرفتاری کے خلاف احتجاج کرنے کے دوران بے قابو ہجوم کو منتشر کرنے کیلئے پولیس و فورسز نے آنسوگیس کے گولے داغے ،پیپر گیس اور لاٹھی چارج بھی کیا ،جس سے بیسیوں افراد زخمی ہوگئے ۔مقبوضہ کشمیر میں بھارتی فوج کے حکام نے گزشتہ 50روز کے دوران 22کشمیریوں کو شہید کرنے کا اعتراف کرلیا ہے ۔ فوجی حکام نے دعویٰ کیا ہے کہ شہید ہونے والے کشمیری مجاہدین تھے جن کو جھڑپوں کے دوران شہید کیا گیا ۔ ان کاکہناہے کہ 2017 کے پہلے دو ماہ کے دوران مقبوضہ کشمیر میں ایک میجر سمیت بھارتی فوج کے 26 اہلکار بھی ہلاک ہوئے ۔ محمد حسین فاضلی کو دہلی بم دھماکوں کے کیس میں11سال تک غیر قانونی طور پر نظربند رکھنے کے بعد دہلی کی ایک عدالت نے بے گناہ قراردے کر رہا کردیا ۔ فاضلی کے گھر پہنچنے پرسرینگر میں اس کے رشتہ داروں اور ہمسا یوں نے گرمجوشی سے اس کا استقبال کیا۔مقبوضہ کشمیر کی کٹھ پتلی وزیر اعلیٰ محبوبہ مفتی نے کہا ہے کہ وقت آگیا ہے کشمیری عوام اپنی تقدیر کا فیصلہ کریں۔ایک تقریب سے خطاب کرتے ہوئے انہوں نے کہا کہ ترقی کیلئے امن ضروری ہے ۔