مقبول خبریں
پاکستان میں صاف پانی کی سہولت کو ممکن بنانے کیلئے مختلف منصوبوں پر کام کرونگی:زارہ دین
پیپلزپارٹی کے رہنما ندیم اصغر کائرہ کی پریس کانفرنس ،صحافیوں کے سوالات کے جوابات دیئے
واجد خان ایم ای پی کا آزاد کشمیر سے آئے حریت کانفرنس کے رہنمائوں کے اعزاز میں عشائیہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سید حسین شہید سرور کا سابق پراسیکیوٹر ایڈوکیٹ جنرل ریاض نوید و دیگر کے اعزاز میں عشائیہ
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
جموں و کشمیر تحریک حق خود ارادیت انٹر نیشنل کے زیر اہتمام پہلی کشمیر کلچرل نمائش کا اہتمام
دسمبر بے رحم اتنا نہیں تھا!!!!!!!!!!!!!
پکچرگیلری
Advertisement
یورپ میں عید الاضحی امت مسلمہ کو محبت، یگانگت اور ایثاروقربانی کا درس دے کر گذر گئی
لندن ... عید الاضحی امت مسلمہ کو محبت، یگانگت اور ایثاروقربانی کا درس دے کر گذر گئی۔ جہاں لوگ خوشی سے ایک دوسرے سے گلے ملتے رہے وہیں کچھ لوگ اپنے حالیہ سال میں بچھڑے پیاروں کو یاد کر کے جی کو ہلکا کرتے رہے۔ لندن سمیت برطانیہ کے دیگر شہروں میں مسلمان جہاں قربانی سے غافل نہیں رہے وہیں اپنے پیاروں کی قبروں پر جانا بھی نہ بھولے۔ برطانوی دارالحکومت سمیت ملک کے متعدد شہروں میں امت مسلمہ نے عید الاضحی کا تہوار منگل اور بدھ دونوں روزمنایا۔ لندن میں چونکہ دنیا بھر کےمسلم امیگرینٹس کی ایک بڑی تعداد آباد ہے اس لئے پاکستان کے علاوہ سعودی عرب، ترکی، الجزائر، مراکش، سریلنکا، انڈیا، بنگلہ دیش، انڈونیشیا، صومالیہ، سوڈان سمیت دیگر ممالک کے مسلمانوں نے سعودی روئیت کے مطابق عید منائی۔ لندن کی مرکزی جامع مسجد ریجنٹ پارک میں عوامی اکثریت کے پیش نظر پانچ جماعتیں کروائی گئیں۔ مشرقی لندن کے علاقےلیٹن میں واقع مسجد نورالاسلام میں ایک بہت بڑا اجتماع ہوا، جہاں پاکستان، صومالیہ، بنگلہ دیش، ہندوستان، افغانستان، افریقہ اور مشرقی وسطیٰ کے ممالک سے تعلق رکھنے والی مقامی آبادی کی بڑی تعداد نے نماز عید ادا کی یہاں بھی ہر سال کی طرح اس سال بھی نمازیوں کی سہولت کے پیش نظر چار مختلف اوقات میں نماز عید کے اجتماعات منعقد کئے گئے۔دیگر جن مساجد میں عید کی نماز ادا کی گئی ان میں جامع مسجد اہل حدیث راس سٹریٹ اولڈہم، محمدی مسجد کیتھلے ، جامع مسجد اہل حدیث ہاپ ووڈ لین ہیلی فیکس، جامع مسجد اہل حدیث بریڈفورڈ ۵، الھدیٰ مسجد لیگرام لین بریڈفورڈ ۷،محمدی مسجد لیمب لین بریڈفورڈ ، مسجد اہل حدیث میڈسٹون ، جامع مسجد اہل حدیث سکپٹن ،درسہ الفاروق گلاسگو ، مسجد التوحید میڈن ہیڈ ، مدرسہ سلفیہ ہڈرسفیلڈ ، مکی مسجد مانچسٹر ، مرکز التوحید سٹوک آن ٹرینٹ ، مسجد التوحید لیٹن لندن ، نیوکاسل سنٹرل مسجد ، چیڈل اسلامک سنٹر ،مانچسٹر، مسجد ابن باز بانبری آکسفورڈ ، مسجد اہل حدیث ریڈنگ اور سینکڑوں دیگر مساجد شامل ہیں علماء نے عید کے خطبے میں مسلمانوں میں سنت ابرہیمی کے حقیقی مقاصد یعنی جذبہٴ ایثار و قربانی پیدا کرنے کی ضرورت پر زور دیا اور امت مسلمہ کی سلامتی، خوشحالی اور اتحاد کے لیے دعائیں کیں۔ اسی طرح بدھ کے روز پاکستان اور آزاد کشمیر سے تعلق رکھنے والے تارکین وطن کی اکثریت نے عید منائی۔ لندن میں بڑے اجتماع والتھم فاریٹ اسلامک سنٹرکے زیر انتظام مسجد، البرٹ روڈ اسلامک سنٹر الفورڈ سمیت لوٹن، سلائو، برمنگھم، بریڈفورڈ، مانچسٹر، نوٹنگھم، کارڈف، گلاسگو اور دیگر شہروں میں عید کے بڑے اجتماعات ہوئے۔