مقبول خبریں
روٹری کلب کے راہنما ڈاکٹر سہیل قریشی کے اعزاز میں سماجی کمیونٹی شخصیت چوہدری محمود کا استقبالیہ
پاکستان سے آئے وکلا کے اعزاز میں ورلڈ وائیڈ سالیسٹرز کے ڈائیریکٹر محمد اشفاق کا استقبالیہ
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
سابق صدر پی ٹی آئی یارکشائر اینڈ ہمبر ریجن طاہر ایوب خواجہ کا اپنی رہائش گاہ پر محفل کا انعقاد
بے نظیر بھٹو: چراغ بجھ گیا لیکن روشنی زندہ ہے
پکچرگیلری
Advertisement
مقبوضہ کشمیر:مارچ ناکام بنانے کیلئے وادی فوجی چھائونی میں تبدیل،حریت قیادت نظر بند
سرینگر :مقبوضہ کشمیر میں ضلع کولگام کی طرف 6کشمیریوں کی شہادت پرمارچ کو ناکام بنانے کیلئے قابض حکام نے کولگام اور سرینگر سمیت وادی کشمیر کے دیگر علاقوں میں کرفیو اور دیگر پابندیاں نافذ کردیں جبکہ تمام حریت قیادت کو نظر بند کردیاگیا۔تفصیلات کے مطابق بھارتی فوج نے کولگام کی طرف جانے والے تمام راستوں کوسیل کردیا اور کسی کو قصبے کی طرف جانے کی اجازت نہیں دی گئی ،علاقے میں دفعہ 144 نافذ تھی اور لوگوں کو گھروں کے اندر رہنے کی ہدایت کی گئی ،پولیس افسروں کا کہناتھا کہ ضرورت پڑی تو کرفیو بھی نافذ کیاجاسکتاہے ۔وادی کے تمام حساس علاقوں میں بھارتی پولیس اور سنٹرل ریزرو پولیس فورس کی بھاری تعداد تعینات کی گئی جس سے وادی فوجی چھاؤنی کا منظر پیش کرنے لگی ۔دوسری طرف بھارتی فوجیوں کے ہاتھوں کشمیری نوجوانوں کے قتل کے خلاف کولگام ، پلوامہ اور اسلام آباد میں ہڑتال کی وجہ سے معمولات زندگی مفلو ج رہے اورہرطرف ہو کا عالم تھا۔ کیموہ ، کولگام ، دیوسراور ڈی ایچ پورہ تحصیلوں میں دکانیں اور تجارتی مراکز بند رہے اور سڑکوں پر ٹریفک معطل رہی ۔پولیس نے گزشتہ صبح مائسمہ سرینگرمیں محمد یاسین ملک کے گھر پر چھاپہ مار کر انہیں گرفتار کر لیااور کوٹھی باغ پولیس سٹیشن میں نظربند کیاگیا ۔ انتظامیہ نے کل جماعتی حریت کانفرنس کے چیئرمین سید علی گیلانی ، میرواعظ عمر فاروق ، شبیر احمد شاہ ، آغا سید حسن الموسوی الصفوی ، محمد اشرف صحرائی ، قاضی یاسر، مختار احمدوازہ ،غلام محمد خان سوپوری ،عمر عادل، فردوس احمد شاہ اوردیگر رہنماؤں کو گھروں یا جیلوں میں نظربند رکھا ۔ مشترکہ حریت قیادت نے جمعرات سے 28فروری تک کے لیے نیا احتجاجی کیلنڈر جاری کردیا ہے ، جمعہ کو یوم مزاحمت منایا جائے گا ۔نماز جمعہ کے بعد پوری وادی کشمیرمیں پر امن احتجاجی مظاہرے کئے جائیں گے ۔