مقبول خبریں
کشمیر سالیڈیرٹی کیلئے یکم فروری سے 11فروری تک تقریبات منعقد کرائی جائیں گی
پیپلزپارٹی کے رہنما ندیم اصغر کائرہ کی پریس کانفرنس ،صحافیوں کے سوالات کے جوابات دیئے
واجد خان ایم ای پی کا آزاد کشمیر سے آئے حریت کانفرنس کے رہنمائوں کے اعزاز میں عشائیہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سید حسین شہید سرور کا سابق پراسیکیوٹر ایڈوکیٹ جنرل ریاض نوید و دیگر کے اعزاز میں عشائیہ
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
جموں و کشمیر تحریک حق خود ارادیت انٹر نیشنل کے زیر اہتمام پہلی کشمیر کلچرل نمائش کا اہتمام
دسمبر بے رحم اتنا نہیں تھا!!!!!!!!!!!!!
پکچرگیلری
Advertisement
سرینگر:پیلٹ متاثرین کا احتجاجی دھرنا،بھارتی فوج کا نوجوانوں کیخلاف کریک ڈائون
سرینگر:مقبوضہ کشمیر میں قابض فوج کی طرف سے پیلٹ گن کے وحشیانہ استعمال کیخلاف سرینگرمیں پیلٹ متاثرین نے احتجاجی دھرنادیا اور ’’پیلٹ وکٹمز ایسوسی ایشن‘‘ بنانیکا اعلان کردیا۔متاثرین نے کہا کہ ہماری بینائی ختم ہوگئی ہے ، فوج مہلک ہتھیاروں کااستعمال بند کرے ۔قابض فوج نے سرینگرکے مختلف علاقوں میں نوجوانوں کیخلاف کریک ڈائون کیا ۔بارہمولہ میں گھرگھرتلاشی لی گئی ، نقاب پوش افراد نے ایک عالم دین محمداشرف پرتشدد کیا۔انتظامیہ کی عوام دشمن پالیسیوں کیخلاف سرینگرمیں تاجروں نے بھی احتجاج کیا ۔تفصیلات کے مطابق بھارتی فورسز نے ضلع بارہمولہ کے علاقے فتح گڑھ میں 2016کی احتجاجی تحریک میں شرکت کرنے والے نوجوانوں کے خلاف بڑے پیمانے پر تلاشی کی کاروائی شروع کردی ہے ۔ کشمیرمیڈیا سروس کے مطابق آپریشن کے دوران متعدد نوجوانوں کو گرفتار کیا گیاہے ۔ وادی کے مختلف علاقوں سے آنے والے پیلٹ متاثرین نے پریس کالونی سرینگر میں احتجاجی دھرنا دیا۔ہاتھوں میں بینرز لئے متاثرین ‘‘ہمارے ساتھ انصاف کرو ،پیلٹ چلانا بند کرو ’’ کے نعرے لگا رہے تھے ۔احتجاج میں شامل محمد الطاف میر نے صحافیوں کو بتایاکہ ہم وہ متاثرین ہیں جن کی آنکھوں کی بینائی چھین لی گئی ہے اوراب ہم ایک دوسرے کی مدد کریں گے اور ایک دوسرے کا سہار ا بنیں گے ۔دریں اثنا کشمیر ٹریڈرز اینڈ مینو فیکچررز فیڈریشن سے وابستہ تاجروں کی ایک بڑی تعداد سرینگر کے علاقے کوکربازار میں جمع ہوئی اور پرامن احتجاجی مظاہرہ کیا۔ احتجاجی تاجروں نے ہاتھوں میں پلے کارڈز اور بینرز اٹھا رکھے تھے جن پر مسئلہ کشمیر کے مستقل حل اور گوڈز اینڈسروسز ٹیکس ختم کرنے کے مطالبات درج تھے ۔تاجروں کو پولیس نے راستے میں ہی روکا اور کئی افرادکو گرفتار کرلیا۔ادھرحریت رہنماؤں شبیر احمدڈار،محمد اقبال میر، امتیاز احمد قریشی اور غلام نبی ڈار نے انسانی حقوق کے کشمیری کارکن محمد احسن اونتو پر بھارتی پولیس کے حملے اور انہیں زخمی کرنے کی شدید مذمت کرتے ہوئے اسے سراسر غنڈہ گردی قراردیا۔