مقبول خبریں
مسرت چوہدری اور اختر چوہدری کا لارڈ مئیر عابد چوہان کے اعزاز میں ظہرانہ
پاکستان پریس کلب یوکے کے سالانہ انتخابات اور تقریب حلف برداری
چیئرمین پی آئی ایچ آرچوہدری عبدالعزیز کوسوک ایوارڈ فار کمیونٹی سروسز سے نواز گیا
برطانوی شاہی جوڑے کی پاکستان میں زبردست پذیرائی، وزیر اعظم اور صدر مملکت سے ملاقاتیں
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
اسرار احمد راجہ کی کتاب کی تقریب رونمائی ،مئیر آف لوٹن کونسلر طاہر ملک ودیگرافراد کی شرکت
پارک ویو کمیونٹی سنٹر شہیر واٹر میں ہمنوا یو کے کے زیرِ اہتمام یوم آزادی پاکستان تقریب کا انعقاد
ہر انسان کو اس کے مذہب کے مطابق تدفین کی اجازت ملنی چاہئے: سعیدہ وارثی و دیگر
Corona virus
پکچرگیلری
Advertisement
مقبوضہ کشمیر:بھارتی فوج کی فائرنگ،نوجوان شہید،انتہا پسند ہندوئوں نے7گھر جلا دیئے
سرینگر:مقبوضہ کشمیر میں بھارتی فوجیوں نے اپنی ریاستی دہشتگردی کی تازہ کارروائی کے دوران گزشتہ روزضلع بانڈی پورہ میں ایک اور کشمیری نوجوان کو شہید کردیا۔ تفصیلات کے مطابق نوجوان کو ضلع بانڈی پورہ میں ہاجن کے علاقے پرے محلہ میں تلاشی اورمحاصرے کی کارروائی کے دوران شہید کیا گیا ۔ بھارتی پولیس نے دعویٰ کیاہے کہ نوجوان کو مقابلے میں قتل کیاگیا ہے ۔ ضلع کٹھوعہ میں ہیرا نگرکے علاقے ہریہ چک میں ہندو انتہا پسندوں نے گائو کشی کا بہانہ کرکے مسلمانوں کے گھروں پر حملہ کرکے کئی مکانوں کو نذر آتش اور کئی افراد کو زخمی کردیاہے ۔ علاقے سے مبینہ طور پر گائے کاسر برآمد ہونے پر ہندو فرقہ پرستوں نے جلوس کی صورت میں مسلم بستی کی طرف مارچ کیا اور اس پر حملہ کردیا جس کے بعددونوں اطراف نے ایکدوسرے پر پتھرائو کیا ۔پولیس نے تشدد پر آمادہ بھیڑ پرلاٹھی چارج کیا اور آنسو گیس کے گولے داغے جبکہ علاقے میں دفعہ 144نافذ کر دی گئی ہے ۔ کل جماعتی حریت کانفرنس کے چیئرمین سید علی گیلانی ، میر واعظ عمر فاروق اور محمد یاسین ملک پر مشتمل مشترکہ حریت قیادت نے مقبوضہ علاقے میں حالیہ انتفادہ کے دوران بھارتی فورسز کی گولیوں اور پیلٹ گنوں سے زخمی ہونیوالوں کی مالی امداد کیلئے ایک ٹرسٹ قائم کرنے کا فیصلہ کیا ہے ۔بھارتی فورسز نے ایک معذور کشمیری نوجوان پر کالا قانون سیفٹی ایکٹ لگا کر اسے جیل میں ڈال دیا۔جسمانی طور ناخیز بارہ مولہ کے نوجوان تنویر احمد وار کے خلاف پی ایس اے لاگو کئے جانے کی بڑے پیمانے پر مذمت کی جا رہی ہے ۔مقبوضہ کشمیرمیں میر واعظ عمر فاروق کی سربراہی میں قائم حریت فورم نے اقوا م متحدہ کے نئے سیکریٹری جنرل ا نتونیو گوتیریس کی جانب سے بھارت اور پاکستان کے درمیان دیرینہ مسئلہ کشمیر کے حل کیلئے ثالثی کی پیشکش کو خوش آئند قرار دیاہے ۔