مقبول خبریں
پاکستانی کمیونٹی سنٹر اولڈہم میں بیڈمنٹن ٹورنامنٹ کا انعقاد، برطانیہ بھر سے 20 ٹیموں کی شرکت
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
ہم دھوپ میں بادل کی، درختوں کی طرح ہیں!!!!!!!
پکچرگیلری
Advertisement
علما کرام لوگوں کو اختلافی مسائل میں الجھانے کے بجائے قرآن و حدیث کا علم دیں:صاحبزادہ حسیب
مانچسٹر ... انٹرنیشنل نعت ایسوسی ایشن کے چیئرمین اور سینئر امام مرکزی جامع مسجد وکٹوریہ پارک علامہ قاری جاوید اختر چشتی کی طرف سے دئے گئے عشائیہ میں اظہار خیال کرتے ہوئے سجادہ نشین عیدگاہ شریف راولپنڈی صاحبزادہ حسیب الرحمن نقیبی نے کہا ہے کہ برطانیہ میں نوجوان نسل کا رحجان بے راہ روی کی طرف بڑھ رہا ہے اور نوجوان لڑکیوں میں اپنے گھر بسانے کے بجائے نام نہاد آزادی کا رحجان بڑھتا جارہا ہے اور حفظ مراتب اور رشتوں کی قدریں ختم ہورہی ہیں اس کے لئے لوگوں کو اختلافی مسائل میں الجھانے کے بجائے انہیں قرآن و حدیث کے مطابق رشتہ داروں کے آداب کا لحاظ اور حقوق کی پاسداری کے بارے میں آگاہ کرنا چاہئے۔ انہوں نے کہا کہ ان کے اس دورہ برطانیہ امریکہ میں نوجوانوں کی بہت بڑی تعداد کی اصلاح احوال ہوئی ہے۔ یہاں پروان چڑھنے والی نسلیں علمائے حقہ کی رہنمائی کی طلبگار ہیں انہیں نوجوانوں کو اخلاق اور محبت مصطفٰی کریم صلی اللہ علیہ وسلم کی تربیت اور آگاہی کے لئے خود کو وقف کرنا چاہیئے۔ اس موقع پر علامہ قاری جاوید اختر نے کہا کہ وہ برطانیہ میں گزشتہ 28برس سے دینی خدمات سرانجام دے رہے ہیں اور انٹرنیشنل نعت ایسوسی ایشن کے پلیٹ فارم سے ہزاروں نوجوانوں میں حب مصطفٰیٰ سرور کونین صلی اللہ علیہ وسلم کی طرف رغبت پیدا ہوئی۔ اس موقع پر علامہ شاہجہان مدنی، علامہ قاری نور محمد نوری نقشبندی، استاد محمد صفدر چشتی المدنی، چوہدری اعجاز احمد ، جی ایم مغل کے علاوہ بڑی تعداد میں نعت خوانوں اور قراء حضرات نے شرکت کی۔