مقبول خبریں
کشمیر سالیڈیرٹی کیلئے یکم فروری سے 11فروری تک تقریبات منعقد کرائی جائیں گی
پیپلزپارٹی کے رہنما ندیم اصغر کائرہ کی پریس کانفرنس ،صحافیوں کے سوالات کے جوابات دیئے
واجد خان ایم ای پی کا آزاد کشمیر سے آئے حریت کانفرنس کے رہنمائوں کے اعزاز میں عشائیہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سید حسین شہید سرور کا سابق پراسیکیوٹر ایڈوکیٹ جنرل ریاض نوید و دیگر کے اعزاز میں عشائیہ
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
جموں و کشمیر تحریک حق خود ارادیت انٹر نیشنل کے زیر اہتمام پہلی کشمیر کلچرل نمائش کا اہتمام
دسمبر بے رحم اتنا نہیں تھا!!!!!!!!!!!!!
پکچرگیلری
Advertisement
پاکستان کے ہائی کمشنر سےپی بی بی سی کے وفد کی جولین ہیملٹن کی زیرقیادت ملاقات
لندن:پاکستان بریٹین بزنس کونسل (پی بی بی سی) کے وفد نے چیئرمین جولین ہیملٹن کی زیرقیادت برطانیہ میں پاکستان کے ہائی کمشنر سید ابن عباس سے ان کے دفتر میں ملاقات کی۔ چیئرمین پی بی بی سی نے ہائی کمشنر کو دو اہم تجارتی سرگرمیوں کے بارے میں آگاہ کیا جن کا اہتمام پی بی بی سی مستقبل قریب میں کر رہی ہے۔ ایک ’’ڈوئنگ بزنس ان پاکستان‘‘ ہے جو 18 جنوری 2017 کو گلاسکو میں سکاٹش گورنمنٹ اور پاکستان ہائی کمیشن لندن کی مدد سے منعقد ہو گی جبکہ دوسری سرگرمی مارچ 2017 میں سابق برطانوی سیکرٹری خارجہ جیک سٹرا کی زیرقیادت ایک اعلیٰ اختیاراتی تجارتی وفد پاکستان بھیجنے کے بارے میں ہے۔ پی بی بی سی کے وفد نے ہائی کمشنر کو گلاسکو کی تقریب ’’ڈوئنگ بزنس ان پاکستان‘‘ میں اظہار خیال کی دعوت دی۔ ہائی کمشنر نے پی بی بی سی کی اس کاوش میں بھرپور دلچسپی کا اظہار کیا اور ان سرگرمیوں کو کامیاب بنانے میں حکومت پاکستان کے ہر ممکن تعاون کی یقین دہانی کرائی۔ بعد ازاں کامن ویلتھ الائنس آف ینگ انٹریپرینیورز (سی اے وائی ای) ایشیا کا وفد اپنے صدر شعبان خالد کی زیرقیادت ملاقات میں شامل ہو گیا۔ سی اے وائی ای کے وفد نے بھی پی بی بی سی کے مجوزہ تجارتی وفد کے لئے اپنی حمایت کا اظہار کیا۔ ہائی کمشنر نے کہا کہ ینگ انٹریپرینیورز پاکستانی معیشت میں مثبت تبدیلی لانے کی صلاحیت رکھتے ہیں۔ انہوں نے پاکستان اور برطانیہ کے درمیان بہتر کمرشل تعلقات کے مشترکہ مقصد کے حصول کے لئے مختلف کاروباری پلیٹ فارموں کو جوڑنے کی ضرورت کو اجاگر کیا۔ ہائی کمشنر نے مزید کہا کہ کاروباری برادری کے ساتھ اس طرح کے روابط دونوں ملکوں کے درمیان دوطرفہ تجارت کا حجم بڑھانے میں اہم کردار ادا کریں گے۔ملاقات میں پاکستان ہائی کمیشن کے منسٹر پولیٹیکل زاہد حفیظ چوہدری بھی موجود تھے۔