مقبول خبریں
سیریا ریلیف کی چیئر پرسن ڈاکٹر شمیلہ کی طرف سے چیرٹی بر نچ کا اہتمام ، کمیونٹی خواتین کی شرکت
مسئلہ کشمیر بارےیورپی پارلیمنٹ انتخابات پر برطانیہ و یورپ میں بھرپور لابی مہم چلائینگے،راجہ نجابت
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
سرچ آپریشن
پکچرگیلری
Advertisement
لیاری میں ہونے والی سازشوں کے ذمہ دار نبیل گبول ہیں : کنونیر فرینڈز آف لیاری
لندن ... فرینڈز آف لیاری کے کنونیر حبیب جان نے لندن میں پریس کانفرنس کے ذریعے لیاری میں ہونے والی سازشوں کا ذمہ دار متحدہ قومی موومنٹ کے رہنما نبیل گبول کو قرار دیا ہے۔ انہوں نے کہا کہ ظفر بلوچ کے قتل میں بابا لاڈلہ کا کوئی ہاتھ نہیں نبیل گبول نے ماضی میں سردار عزیر جان بلوچ اور غفار ذکری کو بھی لڑوایا تھا اور آج بھی وہ ایسے ہی سازشیں کرکے لیاری والوں کو لڑانا چاہتے ہیں لیکن وہ کامیاب نہیں ہوں گے۔ حبیب جان نے کہا کہ لیاری والے اردو بولنے والوں کو اپنا دشمن نہیں سمجھتے اور نہ ہی اردو بولنے والے پاکستان کے دشمن ہیں لیکن کچھ عناصر ہیں جو بدامنی اور امن و امان خراب کرکے شہر میں خوف کی فضا قائم کرنا چاہتے ہیں۔ انہوں نے کہا کہ میں لندن میں موجود تھا تو میرا نام ارشد پپو کے قتل میں نبیل گبول اور ایم کیو ایم نے اسکی بیوہ پر دباوٴ ڈال کر ایف آئی آر میں درج کروایا اس مقدمے میں میری جے آئی ٹی بننی چاہئے جس طرح نبیل گبول کی ہوئی تھی یہ دہرا معیار ہے انہوں نے کہا کہ میری ایک ہفتے قبل لندن میں ڈاکٹر فاروق ستار سے پریس کانفرنس میں ملاقات ہوئی تھی اور مہمان نوازی کا تقاضا ہے کہ میں آنے والے مہمان کا گرم جوشی سے استقبال کروں ۔اس موقع پر بلوچستان کے وزیراعلیٰ ڈاکٹر عبدالمالک بلوچ بھی موجود تھے۔ انہوں نے کہا کہ لوگ کہتے ہیں کہ ظفر بلوچ کا قتل لیاری میں باہر کے لوگ اتنی آسانی سے نہیں کرسکتے تو ان کو بتا دینا چاہتا ہوں کہ ظفر بلوچ پر ماضی میں بھی جو حملہ کیا گیا تھا تو وہ اپنے گھر کے قریب موجود تھے۔ جبکہ لیاری میں جو دھماکے ہوئے وہ کس نے کرائے اس کی بھی تحقیقات ہونی چاہئے کیونکہ لیاری میں جو معصوم لوگ مارے گئے وہ بھی پاکستانی اور معصوم شہری تھے۔ انہوں نے کہا کہ نبیل گبول کو ظفر بلوچ کے قتل میں نامزد کیا گیا لیکن افسوس کی بات ہے کہ اس سے تحقیقات بھی نہیں کی گئی اور نہ اس کی گرفتاری عمل میں آئی۔