مقبول خبریں
دار المنور گمگول شریف سنٹر راچڈیل میں جشن عید میلاد النبیؐ کے حوالہ سےمحفل کا انعقاد
کشمیر انسانی حقوق کی پامالیوں کا گڑھ ،اقوام عالم نوٹس لے، بھارت پر دبائو بڑھائے: فاروق حیدر
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
لبڈیم پارٹی سے متنفر ہو کر لیبر پارٹی کا رخ کرنیوالوں کو مایوسیوں کے سواکچھ نہیں ملا: گیل سمتھ
شفیلڈ: کونسلر شفق محمد کی قیادت میں لبڈیم ایک مرتبہ پھر شفیلڈ کونسل میں اکثریتی پارٹی بننے کی بھر پور صلاحیت رکھتی ہے ۔ لوگوںکی خواہشات اور انہیں درپیش مسائل کو مسلسل نظر انداز کرنے کی پالیسی کے باعث لیبر پارٹی لوگوں کی حمایت سے محروم ہوتی جا رہی ہے ۔ ان خیالات کا اظہار شفیلڈ کے مازبرا وارڈ میں ہونے والے ضمنی انتخاب میں لیبر پارٹی امیدوار کو شکست سے دوچار کرکے کونسلر منتخب ہونے والی لبڈیم پارٹی کے گیل سمتھ نے یہاں اپنے اعزاز میں منعقدہ تقریب سے خطاب کرتے ہوئے کیا ۔ انہوں نے کہا کہ مرکز میں حکومت کا اتحادی بننے کے باعث جن لوگوں نے لبڈیم پارٹی سے متنفر ہو کر لیبر پارٹی کا رخ کیا انہیں لیبر نے سوائے مایوسیوں کے کچھ نہ دیا ۔ انہوں نے کہا کہ کونسلر شفق محمد کی قیادت میں پارٹی مضبوط سے مضبوط تر ہوتی جا رہی ہے اور آئندہ انتخابات میں پارٹی اپنا کھویا ہوا وقار بحال کر کے کونسل اقتدار پر براجمان ہو گی ۔ چوہدری محمد معروف کی نظامت میں ہونے والی اس تقریب سے خطاب کرتے ہوئے چوہدری محمد ظہور اور لبڈیم پارٹی شفیلڈ کے قائد کونسلر شفق محمد نے گیل سمتھ کو ان کی حالیہ کامیابی پر مبارک باد پیش کرتے ہوئے کہا کہ محنت جہاں بھی کی جائے کامیابی آپ کے قدم چومتی ہے ۔ انہوں نے کہا کہ لوگ یہ جان چکے ہیں کہ لبڈیم پارٹی ہی شہر کی وہ واحد سیاسی جماعت ہے جو نہ صرف کونسل میں ان کی بہترین نمائندگی کر سکتی ہے بلکہ شہر کی معیشت کو درپیش چیلنجز کا بھر پور مقابلہ بھی کر سکتی ہے ۔ انہوں نے کہا کہ جیرمی کوبرن پر لوگوں کے عدم اعتماد کو اپنی شکست کا ذمہ دار قرار دے کر مقامی لیبر پارٹی اپنی دل کو تو تسلی دے سکتی ہے لیکن حقیقت کو نہیں بدل سکتی اور حقیقت یہ ہے کہ وہ لوگوں کو نظرانداز کرنے کی جس پالیسی پر گامزن اس سے لوگ مایوس اور بد ظن ہو تے جا رہے ہیں ۔ کونسلر شفق محمد نے کہا کہ بحیثیت پارٹی لیڈر وہ پارٹی پالیسی کو لوگوں کی ضرورتوں کے ہم آہنگ بنائے رکھنے کی ہر ممکن کوشش کریں گے ۔ انہوں نے حالیہ کامیابی کو کارکنوں کی انتھک محنت کا ثمر قرار دیتے ہوئے ان کا شکریہ ادا ۔ تقریب کے آخر میں چوہدری الطاف حسین نے گیل سمتھ کو شاندار کامیابی کر کے لبڈیم کو مازبرا وارڈ میں چوتھی پوزیشن سے پہلی پوزیشن پر پہنچانے پر پھول پیش کئے ۔