مقبول خبریں
راچڈیل کیسلمئیرسنٹر میں کمیونٹی کو صحت مند رہنے،حفاظتی تدابیر بارے آگاہی ورکشاپ کا انعقاد
یورپی پارلیمنٹ میں قائم ’’فرینڈز آف کشمیر گروپ‘‘ کی تنظیم سازی کردی گئی
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
ہم نے سچ کو دیکھا ہے جھوٹ کے جھروکوں سے!!!!
پکچرگیلری
Advertisement
مسلم لیگ ن آزاد کشمیر مڈ لینڈ کے زیر اہتمام یوم تکبیر کے حوالے سے تقریب کا انعقاد
برمنگھم:یوم تکبیر پاکستان کے دفاع اور سالمیت کی علامت ہے،آج سے اٹھارہ برس قبل وزیر اعظم پاکستان میاں نواز شریف نے تمام تر بیرونی دبائو کو مسترد کرتے ہوئے ایٹمی دھماکے کر کے پاکستان کو ایٹمی قوت بنا دیا،اب وزیر اعظم پاکستان میاں نواز شریف نے اپنی اعلیٰ سیاسی بصیرت اور دور اندیشی کو سامنے رکھتے ہوئے دنیا کے سب سے بڑے میگا پراجیکٹ پاک چائنہ اقتصادی راہداری کا منصوبہ شروع کیا جس سے بے روز گاری کے خاتمے اور انتہا پسندی،دہشت گردی کے خاتمے کیلئے مددگار ثابت ہوگا،اس میگا پراجیکٹ سے براہ راست10لاکھ سے زائد نوجوان روزگار سے مستفید ہوکر خاندان کی کفالت کا ذریعہ بنیں گے،مسلم لیگ ن آئندہ آزاد کشمیر میں بھاری اکثریت حاصل کر کے حکومت تشکیل دےگی،ان خیالات کا اظہار مسلم لیگ ن آزاد کشمیر مڈ لینڈ کے زیر اہتمام یوم تکبیر کی پر وقار تقریب سے خطاب کرتے ہوئے رہنمائوں نے کیا،جس کا آغاز تلاوت کلام پاک سے ہوا جس کی سعادت چیئرمین چوہدری شکیل مڈ لینڈ نے کی،نظامت کے فرائض راجہ ثقلین نائب صدر برطانیہ نے سر انجام دیئے جبکہ صدارت راجہ اجمل نوابی نے کی جبکہ خصوصی شرکت کل جماعتی کشمیر بین الاقوامی رابطہ کمیٹی کے سابق چیئرمین و صدر مسلم لیگ ن آزاد کشمیر مڈ لینڈ راجہ امجد خان و چیئرمین چوہدری شکیل تھے۔ اس اہم اجلاس میں کثیر تعداد میں رہنمائوڈ کارکنوں نے شرکت کی،مرزا راشد محمود،راجہ یعقوب،چوہدری سعید،چوہدری ریاض سرکھوی،چوہدری مختار سمیت رہنمائوں نے شرکت کی،راجہ امجد خان نے مزید کہاکہ وزیر اعظم پاکستان بڑے ویژن کے مالک ہیں ملکی مفاد کو مد نظر رکھتے ہوئے انہوں نے امریکن صدر کی اربوں ڈالرز کی پیشکش کو ٹھکراتے ہوئے ایٹمی دھماکے کر کے ملک کو دنیا کے بڑے ممالک کی صف میں لا کھڑا کیا،چوہدری شکیل نے کہا سائوتھ ایشیا ریجن میں پاکستان کی ایٹمی صلاحیت حاصل کرنے کے بعد طاقت کا توازن برقرار ہوا،بھارت کی چوہدراہٹ ختم ہوئی،راجہ تجمل نوابی نے کہاکہ ایٹمی طاقت کے بعد اب ملک میں معیشت کی مضبوطی کا بیڑاوزیر اعظم میاں نواز شریف نے اٹھایا جس کے اثرات آنا شروع ہو گئے ہیں،چوہدری مختار نے کہا کہ ہمارے پڑوسی ملک جو امن کی نہیں طاقت کی زبان سمجھتے ہیں،پاکستان کی ایٹمی صلاحیت کے بعد انہیں سمجھنے میں آسانی ہو گی۔اس موقع پر یوم تکبیر کی اٹھارویں سالگرہ کی مناسبت سے کیک کاٹ کر ملکی سلامتی اور بالخصوص ایٹمی دھماکوں کے خالق وزیر اعظم پاکستان میاں نواز شریف کی صحت کاملہ آجلہ کیلئے خصوصی دعا کی گئی۔